【校園】【微甜】三日兩夜生前死後的宿營: 宿營外(1)-2: 兩個奇特的女仔

「嗶！」哨子響起大家都係度跑，的確係唔用跑可能會搵唔哂所有點既有限時間，但係要你跑上山你都唔願意啦？勇字當頭衝上山既人好快就會死係路邊，明顯地她倆一開始都無諗過跑上去，於是我地慢慢上山以儲夠體力搵落山的點。 慢慢行的確唔太好但是係無辦法，就算我旁邊兩個行得好快好急我都只不過係「慢慢行」，而且小雪既失衡感好差。

我地當初話行不規則既石路以節省行路既時間，我以為兩位應該都有相當既經驗先有呢個決定，但依加好明顯地，雖然兩位行得有d生疏不過小雅行得比小雪熟手同埋平衡感亦都比較強，似曾經玩過攀岩之類既活動，而小雪她……我只可以話雙眼既視線唔敢離開她，她雙手並用手腳協調好好，但是成日係石同石之間跳來跳去最後又企唔穩，雖然座山唔斜去既位置唔算太高，跌親事小都會撞痛撞瘀啦，我本來係打頭陣搵方向目標，結果後來我變左殿後睇實她，小雅，小雪，我，由前到後甘行。

因為小雅話她係路痴絕對唔可以由她行頭，小雪係屬於就算有指南針都可以迷路既人，萬一她帶頭我地有機會日落都返唔到終點，我心諗，無甘錯差嘛？不過我都其實係路痴，但是有地圖同指南針就無有怕，唔敢相信有人比我更差，真是沒有最差只有更差。總算平安走過半個山去到第一個點附近，她兩個搵左邊我搵右邊，點知分開唔夠三十秒，我突然聽到「啊！」一聲即刻一陣風甘跑返去搵她們，「你沒事嘛？」

去到發現兩個都無傷無痛，以為見到昆蟲大叫但是又唔係驚嚇既表情，反而似好興奮既樣子：「我搵到第一個 check point啦，Yeah! 」
小雪好開心同我講並且叫我快d過黎打卡，差d被她嚇死好彩只係興奮大叫而唔係發生左d咩意外。 

打完卡後我地繼續上山搵另一個check point，之後既路比之前更斜更難行，有好幾次見小雪都差d跌倒，連小雅都行得左搖右擺，我比頭先行得更龜速免得其中一個跌親我都有辦法扶住她們，所幸條路難歸難行得都算順利 。




直到後面黎左一組人，偏偏要係我地旁邊穿插，小雅及時收步企穩但是小雪無甘好彩被其中一人撞到失衡踏唔穩向後倒「啊！」，我即刻快步跑前捉實她膊頭扶起她條腰。
而撞到小雪既果個人眼明手快被小雅捉住抽起衫領：「想一走了之，撞到人唔使道歉啊？」 
「放手啊！我地趕時間，明明你地又行得慢，被人爬頭就唔憤氣。」 
「依加係你行路唔帶眼撞到人，差d跌落山賠人命，到時就唔係你一句對不起就完啦！」  
「黏x線，我叫你放手啊！」

我確定小雪已經企好唔會再無啦啦失衡跌倒之後鬆手離開，走近果個人拍走佢準備揮拳打去小雅的拳頭，然後我單手抽起佢成個身把佢拖到山崖邊：「道歉，唔係既話，你想我幫手叫白車定黑車？」
  我冷淡甘恐嚇佢仲把佢愈推愈邊，單邊腳已經半天吊空，佢嚇到大叫：「嘩！大佬，對不起！對不起！唔好放手，救命啊！！」
一開始甘做咪好，我心諗，大唔起人就收聲啦！ 





我拋開佢返石地，頭都唔回就跑走左，話說佢既隊友都夠無義氣，望前望後人影都無見到，我返去自己一組望住自己組員既兩個女仔，心諗大鑊！我習慣左平時係學校朋友同學甘做，大家成班男仔無咩好顧忌，無論兇幾惡或者打幾強都無人覺得有問題，依加面對女校出身既女仔，她們表情充滿驚慌及難以置信，會不會以後都唔敢行近我地男仔……

不過我多慮，小雪幾乎撲上來：「阿條你好厲害！我第一次見可以甘樣兇人。」呢句算係讚美嗎？

小雅都插口：「你應該扮鬆手再嚇多佢一下嘛，甘樣太便宜佢。」竟然比我更惡！

小雪圍住我不停轉：「多謝你頭先扶我，幫我教訓果個人。」

甘樣被女仔讚點都有d唔好意思，我搔頭笑話：「小意思，唔使甘多謝。」





望望太陽愈升愈高，睇黎我地都哂左幾時間，於是我地加快速度搵第二個點，上到一半小雪開始大汗滴細汗行得好慢，於是我係周圍搵到一條粗硬既長樹枝借比她做拐杖，她都無多餘力氣應我接過樹枝繼續爬上山，她平時可能無咩做重量運動，完左活動之後或者可以建議一下她，好唔容易（對她而言）黎到check point附近，小雪直接坐低休息飲水，小雅覺得唔好意思想陪我去搵，但是我唔想獨留小雪一人所以我就自己搵比她們休息一陣，我留意附近既樹洞或者泥地……搵左十五分鐘都搵唔到，點解甘難搵？

我都搵到身水身汗，都係飲水休息 一陣，我返去同她們話搵唔到於是今次輪到她們搵，點知小雪一起身就話：「唔使搵啦……我搵到啦……哈哈哈！」

原來小雪她一直坐住 Check point 連她自己都唔知，直到企起來先知所以忍不住笑出來，我就無甘好氣，我剛才既十五分鐘究竟搞緊咩……