【校園】【微甜】三日兩夜生前死後的宿營: 宿營外(1)-4: 奇怪的發展？
「下？！」
兩人理所當然地怪叫，因為要利用登山繩送她們上去，自然要綁起然後滑輪原論拉兩人上，不過之前我就跟她們身體接觸，我當然會感到尷尬，畢竟我無咩同女仔相處既經驗，不過詳情解釋後她們都無異樣雙手舉高讓我整，我小心翼翼拉住繩穿過跨下在腰部圍一圈扎實，綁多兩三下，拉拉繩尾問：「會不會太緊或者太鬆？」
「我覺得……可以啊？」算啦，我再係小雪腰部圍多一圈以防萬一！
連小雅既都萬事齊備，於是我先拉她上，只係因為小雅比較淡定冷靜，至於另一位……
「嘩，阿條你好厲害！有機會都教下我。」
嗯，無問題！
「條繩真係實？好神奇！」
嗯，係啊！
「如果等等有時間話我知你點樣學反黎？」
嗯！
「話說條繩好醜樣，就唔可以換個隻色？」
嗯…………………
真係一個問題少女！但是我又不自覺逐一解答她既問題，直到小雅安全到達後她先閉嘴向上揮揮手，然後企定定等我出力，當我成功拉左佢地上去之後，我快速綁實自己，繩既另一頭我早已拜託小雅幫手綁在樹上，然後我就兩手並用兩腳並行，大約一分鐘我已經爬到上去，秒速打卡完畢我打算先落去，點知小雪捉住我啊比我走：「阿條，我地應該點樣落去？」
本來我係打算她們跟住我落去，雖然落去比上去更難，不過樹枝都好實又粗應該問題唔大，就算我地三人係同一條樹枝都唔會斷，於是我就同佢地講：「我先落去，之後你地慢慢跟住我落，一步一步黎唔使急。」
點知她仲大膽過我想：「我諗......不如你係下面接住我好唔好？」
「唔好！」出言並非我，小雅極力反對，理由我當然明白，畢竟太難太危險，棵樹成十米高唔小心跌落黎都唔係小事。
「佢無可能一次過接兩個人！」
係囉......唔？
「我地輪流咪得囉？」
點解同我所想既理由唔一樣？！
「點好意思要麻煩阿條兩次？你又唔係輕！」
我想講重點唔係呢度！
「我明明就輕過你！」
「 我上星期瘦左2kg，一定係我輕過你！」
「無可能！包剪揼！一盤過！輸左話事！」
「我一定會輸！準備.......」
「喂，你兩個！都同我等等先啊！！！」
我忍不住要插口，伸手強制中止她倆既對話，點知她們同時望向我罵：「收聲！」
我覺得我有說話既權利，唔係既話我等等要接住她們？
超級危險！於是我語氣再強硬d：「停手！聽我講！！！！」
兩人暫時休戰望住我，明明道理係我手，唔知道點解我突然好緊張，吞了口水再講：「太危險啦！你地一個跟一個落去一定會比呢個方法安全上一百倍，無論你地邊個輸贏我都唔會接住你地！」
我為免引起爭議，再次重申：「係無論如何都唔會！走啦，唔係唔夠時間用。」
我率先踏出右腳爬落樹枝，她們見我無動於衷只好跟著我走落去，到達地面後我竟然見到小雪離地約三米的距離卡住落唔到，然後對住我大叫：「我落唔到黎啊！」
我嘗試指導她：「你先放鬆右手然後把右腳向下踏，企好再到左腳。」
點知她叉錯腳踏唔穩兩隻手都放開左，跟住成個人急速直線下降：「啊！」
我剛好企正她上方，她華麗又衝擊地降臨到我身上，我雙手接住她之後整個人背脊向地躺下，而她就正面躺在我胸膛，好彩我本身未到肥胖但唔算好瘦，被她撞一下都死唔去，最多係屁股有點痛無咩事。
但係她表現得仲緊張過我，不停問我有無事有無受傷痛唔痛，重要係她仲坐係我上面無諗過要移開身體讓我起身，直到小雅過來拉起她先如夢初醒放開我，我完全唔敢亂動，她身上一開始我嗅到那股花香還殘留係我件衫上，再加上剛才既衝擊，害到我有點失暈，連忙收起繩索隨手把它拋開便趕快上路搵埋最後兩個點。
小雪仲係旁邊關心我，但是我開始不敢靠近她於是加快腳步拋遠兩人，最後兩個點明顯比較隨便放置，不需半個鐘就係一枝燈柱和一個澆花水箱背後搵到，你無啦啦係荒山野嶺放兩個甘文明的物品誰會唔知內面有野，嘛！可能其他組真是估唔到，見佢地搵得甘辛苦，我地就慢慢行落山。
無啦啦後面有人拍我膊頭：「阿條，多得你接住我先無事，真係多謝你！」
小雪低著頭細細聲對我講，我差點一個字都聽唔到，好彩我都低頭豎起耳仔先聽到，不過我都未回應她就話：「等等一齊食飯？小雅好似係上網搵到間好好食既餐廳。」
見她都就快流口水，我暗笑著點頭，好搞笑！
返到青年中心，我地攞到第一名，因為搵到check point最齊全既就係我地，雖然比起我同自己朋友一齊，做既野多左一大截，不過我比之前玩得更盡興，而且......見到小雪笑得好似依加既太陽一樣甘燦爛，我突然間覺得，就算甘都唔錯。
開埋反省大會後我地會散會，順便交換左聯絡資料，之前小雪邀請我一齊食飯，不過依加要等她，完左活動後她急急跑去洗手間。
我按著手機等，點知陪我一齊等她既小雅突然好用力拍了我頭：「痛......做咩？」
小雅欲言又止，眼裏又不甘心又有點猶豫，最後深吸一口氣，狠狠望著我：「小雪係一個好女仔，你敢對她唔好我一定唔會饒過你！！」然後她就去洗手間。
無頭無腦對我講咩啊？真係奇怪......
不，其實我知點解她會甘講，我拍拍自己心口，想到小雪，心跳好似火車奔馳一樣，奇怪既人應該係我啊！！！
過左幾個月，當小雪正式牽起我手，我才知道係咩一回事，不過呢d都係後話！