救爸行動1986(穿越)(愛情)(親情): 2
~阿爸啞口無言咁企左喺度，郁都唔敢郁唔知發生咩事咁，
而我就攬住左佢足足喊左五分鐘...，依五分鐘...係我依五年離最開心架...。
「…小...小姐呀，可能你同阿爸失散左好傷心，但係...可唔可以放開我先呀...因為我有女朋友架啦...。」
阿爸好緊張咁雙手推開左我小小...好尷尬咁同我講。
「...爸...，er...對...對唔住。」我停左落離...亦都口窒窒咁講。
「...唔...唔緊要...，你肚唔肚餓呀...我淥個麵比你食吖。」阿爸好溫柔咁問我...。
「...好呀...我都好肚餓，唔該...阿爸。」嘻嘻...好耐冇食過阿爸煮嘅野啦...好開心添...嘻嘻。
「…er...咁你...坐陣先啦。」阿爸聽到我叫佢阿爸雖然有啲唔慣咁，但係亦都不以為然咁...。
阿爸行左去煮麵之後呢，我就喺個廳度周圍睇野啦。
櫃上面有好多阿爸細個果陣時嘅黑白相...，有啲我仲見過嘅添...
嘻嘻...個感覺真係好奇妙，依家諗返...咁頭先果個女人咪即係大姑媽囉!!!
嘩...真係唔多認得囉...女人真係唔襟老呀，而且瑩瑩表姐仲係bb添...哈哈...
好搞笑呀，咪住先...咁果個色狼...唔...唔通係輝叔???
同大家交代返先，我阿爸喺五兄弟姐妹嘅，大姑媽對落就到我阿爸，
之後就到輝叔...跟住仲有個姑姐，最後仲有個細叔添，
不過照時間睇細叔依家應該係去左外國讀書，所以頭先果個肯定就係輝叔。
估唔到原來輝叔細個果陣已經係咁不知所謂架啦...唉...真係三歲定八十呀。
點解我會咁講呢，因為輝叔真係一個衰人，成日吸毒...又成日偷野，
已經比人拉過幾次去坐監架啦，搞到我阿爸成日要去差館保佢，
阿爸都冇哂面...而且仲要阿爺阿嫲成日擔心....仲夠膽死試過問我阿媽借錢添呀...
諗起都真係嬲嬲地...頭先冇打錯佢。
「…食得啦...唔好意思呀，要你等咁耐。」睇睇吓...
阿爸已經煮好左個麵攞左出離，而且成盤野放左喺地下度。
阿爸真係好人...明明唔識我都仲對我咁好...仲同我講唔好意思添...。
「…哦...唔該...。」我答完之後就自己坐左落地下度啦。
「…唔好介意呀...我地水上人冇枱架，要你坐係地下食啦。」阿爸繼續好人mode...。
「...唔緊要...我慣左架啦。」嘻嘻...雖然...而家屋企同阿媽食飯都有枱，
但係有時去阿爺度...或者返漁排都一定係坐地下食...所以我都訓練有素嘅。
「...嘩...咁多餸嘅???」洗唔洗呀...食個麵有鮑魚...又蝦又石班咁....唔洗錢咩。
「…我地水上人冇野多，海鮮最多，唔好客氣呀...唔夠食仲有。」阿爸好自豪呀...。
「...夠啦夠啦...，多謝。」我答。
之後阿爸就係側邊睇住我食野啦，我問左佢好多野呀...，阿爸對我完全冇戒心...
真係有問必答，連佢女朋友啲野都講哂我聽...嘻嘻...不過佢唔講我都知啦...，
阿爸有幾多次拖拍吖，咪就係得阿媽一個女朋友咋嘛，
不過而家聽返阿爸講阿媽啲野真係好特別。
我地傾左好耐呀...阿爸係咁講佢啲野我聽，但是就完全冇問過我嘅來歷。
「...我睇你個樣都好攰啦，不如沖個涼入房訓陣啦。」傾到咁上下，阿爸同我講。
「…好吖...唔該阿爸。」我老實不客氣啦，之後阿爸就帶左我去廁所度啦。
「...er...就咁沖...?」行到入廁所門口我問阿爸，
因為個廁格入面得個窿同一條水喉之後就咩都冇啦。
「…er...係呀...隨便得架啦。」阿爸講。
「...冇熱水架?」因為天氣仲係涼涼地咁，加上係海邊...都真係幾凍下。
「...er...你等我一陣，我去廚房煲水比你。」阿爸諗一諗之後講...，
等左十分鐘之後，阿爸就揪住一大筒熱水返離啦...嘻嘻...真係體貼呀。
「...行開小小先...我驚辣嚫你。」阿爸一邊講一邊將筒熱水揪左入廁所，
之後仲幫我將啲熱水倒入個盤度校水添。
「…好啦...水溫應該可以架啦。」阿爸講。
「…thank you!」我好興奮咁講。
「…吓...咩話?」阿爸似乎聽唔明添。
「...er...冇野...唔該哂阿爸。」講完之後我就入左去沖涼啦。
沖完行返出離，阿爸就叫我入房休息吓...，佢話晏啲阿爸阿媽返離會叫醒我喎...，
有阿爸喺度我緊係好安心咁入左房訓覺啦...，可能真係好攰嘅關係啦...
一訓低...我就好似不醒人士咁...昏迷左啦...z...z...z。
我發左個夢呀，夢見我同阿爸好開心咁喺漁排游水...嘻嘻...，但係游游吓...阿爸越游就越遠.....，
我同佢嘅距離慢慢拉長...阿爸嘅身影亦都越離越模糊...阿爸....阿爸...你唔好走呀...，唔好抌低我呀!!!!
「...阿爸...唔好抌低我呀!!!」
「…呼....吁....呼....。」原...原來係發夢，嚇到我喘哂氣咁。
「...阿宜...冇事吖嘛?」阿爸聽到我叫即刻衝左入離。
「...呼...唔好走呀阿爸!!!」而我亦都即刻攬左埋去。
「...依個就係你講果個阿宜拿?」說時遲那時快，
房門口突然傳離一把男人聲，我抬頭一望...原來係...。
「…阿爺....。」係阿爺呀...好後生呀，而且同老左一樣經常面帶笑容咁。
「…老豆...係...係呀!!!」阿爸好尷尬咁即刻推開左我講。
「...哦...阿宜牙，你嘅事...福頭講哂我知架啦，放心跟我地住啦。」阿爺依然係咁好人...。
「...好啦...福頭，幫阿宜執好啲野，就出離啦...差唔多返去啦。」
阿爺講完之後就行返出去，其實我邊有野執姐得個背囊，所以之後我同阿爸都跟住出去。
一出到去就見到姑媽...阿爺阿嫲全部坐哂喺度，就連輝叔個死色狼都返左離，
仲有個同我差唔多大嘅靚妹坐左喺度添，應該係姑姐，而家姑姐望到我實一實，
個樣好疑惑咁...唔知佢諗緊咩啦。
「......。」我冇出到聲，淨係望住佢地唔知講咩好，佢地亦都冇問過我野，
可能以前嘅社會阿爺係最大，所以阿爺講左收留我就其他人都唔敢出聲問啦。
我坐左一陣之後，等佢地執好哂野就一齊上左另一條船，由阿爺開船返屋企啦。
至於屋企喺邊?...咪就係南丫島囉。我阿爸後生果陣係住喺漁排嘅...，阿爺就係負責打理魚排維生，
以前聽阿爸講呢...因為80年代果陣經濟起飛，所以阿爺果陣真係搵唔小，
一個漁排就養大一家...就連姑媽嫁左都同姑丈一家繼續喺漁排住。
半個鐘左右，我地就返到南丫島啦。
我跟住阿爸尾落船，戰戰兢兢咁行上漁排。
咦...依度真係冇咩點變，只係啲擺設有小小唔同，而且左右隔離嘅漁排全部都有人住，
所以而家好熱鬧咁...同我印象中真係好唔同，因為2016果陣已經冇哂人喺度住架啦，
全部都已經搬哂上街，而家左右隔離啲人都煮緊飯，香味真係隔幾遠都聞到，搞到我依家又有啲肚餓添。
阿嫲亦都開始煮飯，其他人都各有各忙咁，連阿爸都走左去幫阿爺手餵餌，
而我就戇居居咁坐喺度唔知做咩好。
「...er...我幫你手吖。」我走左埋去阿嫲度睇吓有咩幫到手。
「...er...咁你幫我洗吓野啦。」阿嫲望一望我之後講，之後我就坐左喺阿嫲側邊幫手洗野啦...，
個感覺就好似返左現代咁...，完全冇陌生感覺，我好快就洗哂啲野，之後再問吓阿嫲有啲咩幫手。
「...阿嫲牙...仲有咩幫手呀?」我問阿嫲，但係阿嫲冇答到我，
只係擰一擰過離望一望我對我笑一笑咁，之後又繼續煮野。
等阿嫲煮好飯之後，所有人都返哂離啦，坐哂喺地下度準備開飯...。
食飯期間...大家都冇傾計，可能以前啲人食不言寢不語啦，
所以個氣氛都真係幾奇怪，輝叔條色狼間唔中都會用啲色迷迷嘅眼神望我，
而姑姐亦都係全程望到我實一實...搞到我都真係好唔自在。
因為姑姐同我年紀差唔多，所以食完飯之後阿爺就叫我入姑姐間房同姑姐一齊訓啦。
於是我同姑姐就一齊行左入房，間房其實唔算好大，
得張雙人床同一個大櫃之後就咩都冇，加上冇燈...要靠窗出面嘅燈光照入，
入到房之後我同姑姐兩個人你眼望我眼咁...相當尷尬...，
dear air左一分鐘之後，姑姐終於都開聲啦。