我在老蘭被天使狩獵: 第一章:低胸吊帶

「你仲記得二十四年前許過既承諾嗎?」又係依個夢...
「喂,過來睇下!依個咪係阿成!」
「執左屍仲要係廁所搞,而家被人拍埋片,仲要成個樣影埋,睇來佢都唔使係老蘭浦喇!」
「所以有時有啲錢真係唔慳得架!大佬,你好好醜醜都俾張床人喇,就算唔去貴既酒店,賓館都好丫,而家...唉!」
「係既,大隊長!我地啲細既會聽話架嘞!」
「講依啲!不過我上次真係差啲被條屍係的士搞掂,又一次我...」
我係度講我啲檢屍經歷,成班人就圍埋當故仔聽。我知出面啲人叫我烏鴉,雖然開頭我都唔太鍾意,但嗌下嗌下我都慣左,而且有時都聽落幾型咁。其實自從我個妹被個有錢仔溝左之後,我少左浦老蘭(頭先講既上次應該有一兩個月左右)。開頭都驚條友仔玩玩下,不過見佢好認真又為阿妹搞私房菜咁,而家都無咩擔心,反而佢地就成日叫我認真識返個,唉...你估講咁易咩!
「喂,烏鴉!做咩成個禮拜先來呀?以前你三日來一次喎!」酒保Kelvin問我。
「唔使做咩?上次隻紅酒好唔好賣?」
「OK呀,啲客都話唔錯,你介紹既果然無渣野啊!」


「咁我賣酒既,梗有咁上下眼光既,招牌最重要嘛!」
「點呀你?連阿Ken都修身養剩,你又幾時搵返個呀?」
「又講依啲...你有好介紹呀?」
「你駛鬼介紹咩!你而家都瞄緊目標喇!」
的確我係望緊場中間個女仔。佢一頭金色短髮,上身著住白色大露背,下身牛仔熱褲,露出一對筷子咁又長又瘦既雙腳,確實令人垂涎三尺。為左佢,我決定今晚主動出擊。當我就快到佢身邊時,突然...
「Sorry呀,唔小心整到你,無事嗎?有無紙巾?唔好意思,無手幫你...」
「唔緊要,都唔係好濕啫,我自己搞得掂喇!」
「咁好喇,真係唔好意思...」
事情係,一個長髮著黑色低胸吊帶裙既女仔攞住兩柸雞尾酒撞過來,搞到我條褲濕左一撻(好彩係大脾位啫)。當我想搵返個大露背女時,原來低胸吊帶同大露背係朋友來,即係話頭先果野特登既,於是我就好無癮咁返去吧枱度。
「嗱,紙巾啊!」Kelvin遞堆紙巾俾我,「今晚食自己喇?」


我無回答,只係擰一擰頭就走去玩飛鏢。玩到十二點左右,我決定轉場搵目標,順便睇下有無屍執。當出到門口時,頭先個白色大露背女仔好似好辛苦咁坐係地度...
「小姐...小姐...你無事嗎?」身為男人既我當然要上前了慰問下啦...
「.......」佢神智不清咁講左堆野,但我一句都聽唔到,仲好似聽到有少少粗口...
「小姐,你好唔掂喎,我扶你埋一邊抖下。」
正當我扶起佢準備行埋一邊時,突然...
「喂!你做咩呀?你想點呀?」
當我擰轉頭睇下咩事時,一個啤酒樽由上而下咁扑落我右前額度,我即刻跌左落地,個頭暈得一陣陣...
「你個色狼丫...差啲被你得手!」
又係個低胸吊帶...我自問扑女扑得多,被女扑真係第一次,仲要扑得咁應...
「小姐,你個朋友醉到坐左係地度,我好心扶佢去一邊抖下咋!」


「嘿!唔好話你想襯佢醉,想拖埋佢一邊...咩...咩左佢?」佢估啱左一半,我係想咩佢,但一定唔係係一邊囉,至少都要搵間房既...
「唔好理佢,我地走!」
就係咁,低胸吊帶就扶住大露背慢慢咁走去搭的士,而我被佢扑左之後,就好無癮咁一個返屋企...