【真人真事改編】《去年暑假，我在街上賣寬頻。》: 《去年暑假，我在街上賣寬頻。》（一）

　　「老闆娘，唔該哂你，我下星期會再嚟！拜拜！」呼！又完成了一宗任務，今天效率還不錯！
 
　　我帶著微笑轉身離開那面對馬會投注站的報紙檔，然後順著大圍道步行往大圍港鐵站，準備於公共運輸交匯處乘坐８０３Ｋ小巴到顯徑邨繼續工作。下午三時，太陽仍不減暑氣，熱得我汗流浹背，頭目暈眩，若再不補充水份，相信必會初嚐中暑的滋味了。我立即右越馬路，往紅福堂買了一支冰凍的竹蔗茅根水，在門外享受幾分鐘的清涼。
 
　　在這個炎熱的六月，每天也踏足於鬧市裡，穿梭於橫街中，汗水幾乎流遍了全港十八區，都只是為了賺點錢幫補一下來年高昂的學費，順道體驗一下不同性質的工作，趁年輕時增廣見聞罷了。
 
　　飲品不消三分鐘便被我灌完，頓時充滿精神，可以安心上路去。突然，在大圍站Ａ出口通道外，一把熟悉的聲音把我停住……
 
　　「喂！偉仔！好耐冇見啦！」
　　「咦！浩哥！又會咁啱嘅？」




　　「啱啱喺附近幫人補完習嚟啊？」
　　「唔係啊，呢牌班學生考試，仲邊有得補習吖？」
　　「嘩！咁你身水身汗搞咩嚟？」
　　「哦，我返緊暑期工之嘛！」
　　「吓！仲返暑期工？乜你唔係今年畢業咩？」
　　「哈哈，本科就係囉！我都唔記得同你講大學收咗我讀碩士。」
　　「咁開心？真係恭喜哂！第時仲唔大把世界？我都話你係叻仔嚟㗎啦！」
 
　　有緣千里能相會，想不到，竟然會在此遇見浩哥，看見他身穿著一套筆挺的西裝，手拿著一疊彩色的單張，心想他也正在戶外工作吧！我暫緩了下一宗任務，與他走到便利店門外，輕鬆地閒聊一下，我從背包拿出一盒香煙……
 




　　「浩哥，試唔試新煙？」
　　「死仔吖！一年冇見學識食煙嗱？」
　　「梗係唔係啦！其實我做緊『萬里路』，朋友介紹我入去做巡察員，負責睇下啲舖頭嘅銷售情況，有時做下神秘顧客考下啲店員啫！我仲記得你最鍾意食「黑冰」吖嘛！我哋啱啱出咗隻『紫薄荷』，有丁香味㗎，咁啱今日有幾包樣本煙，畀盒你試下啦！」
　　「哈哈，好記性噃，仲記得我口味！」
　　「咁你又做咩喺呢頭出現嘅？今日個樣好Ｐｒｏ喎！」
　　「一睇我著住成套老西，攞住疊樓盤傳單，就知我今日喺呢到搵客啦，近牌跟個老死搵食嘛，你知我不嬲都有幾張刀傍身，又賣保險，又做地產，自從上年我哋條Ｔｅａｍ解散咗之後，咪幫啲大陸佬買下樓囉，都幾好搵啊！」
　　「咁都幾好吖！啲強國同胞咁有錢，當然要劫富濟貧！總之，餓唔死人，做得開心，就ＯＫ啦！」
 
　　浩哥從口袋中拿出一個Ｚｉｐｐｏ銀鋼打火機，我下意識地把它接過手來。他再拍拍煙盒，拆開封條，抽出一根「紫薄荷」，我便單用右手手指熟練地彈開機蓋，隨即燃起了一點火花。他深深地吐納一口，煙氣縈繞，隱約嗅到那幽淡的丁香味，把我的靈魂吹送到一年前的六月……
 




【　人事……
 
　　如煙，因給你遞過火。
 
　　〈不來也不去〉陳奕迅　】