(純愛、洋蔥、懸疑)她從A片走出來(舊名:我女友竟是田中美佐)(更新至結局): Chapter 108

Chapter  108
 
我的手機響起，彼端傳來一把童稚的聲音，道：「帥哥哥，你係咪邢英帥哥哥？」
 
我認出了是結子的聲音，道：「係啊！我係邢英帥哥哥，妳係結子？搵我咩事？」
 
「我想搵田中姐姐，話畀佢聽我搵返媽咪喇！」
 
我的心一陣絞痛，我道：「係咩！結子搵返媽咪，我都好開心，田中姐姐去咗好遠嘅地方，不過田中姐姐知道嘅話，一定會好開心。」
 




「哥哥，姐姐去咗邊？」
 
「哥哥，都…唔知道？」
 
「咁哥哥，你仲唔搵姐姐返嚟？」
 
「結子，我…」
 
「哥哥，你係咪又再次激嬲姐姐？」
 




我默然。
 
「哥哥，你好衰，好無用。」
 
「係啊！我真係好衰，真係好無用…」我哽咽道。
 
田中妳愛錯咗人，無論我點奸爸爹都好，都改變唔到我係一個一事無成嘅毒撚，依個時候，除咗喊之外，我仲可以做到啲咩？
 
電話彼端的結子，歉然道：「哥哥，對唔住啊！我唔話你無用喇，你唔好喊啦！」
 




Jude不斷安慰道：「阿帥，唔關你事架，你唔需要為依件事負上責任，你唔需要內疚，無人想件事係咁架。」
 
「阿姐，妳唔明架？田中最後係喺我眼前消失，我話過會保護佢、會令佢幸福，但係我一啲作用都無，田中返咗去個世界佢會死架。」
 
「阿帥，你聽我講，田中心地好好，如果因為佢嘅關係，而令依個世界末日，佢一定會好內疚，所以佢作出咗依個選擇。」
 
「唔公平，對佢實在好唔公平，點解要佢作出依啲選擇？」
 
「係唔公平，但係佢作出最正確嘅選擇？」
 
我怒道：「阿姐，妳點解咁講？點解一定要將一個人生存嘅權利同世界嘅安危掛勾？唔通人人都有義務為咗世界犧牲自己？田中…田中返到去會…死架！」
 
「阿帥，你都係唔明田中咁做嘅原因，佢咁做亦都係為咗你，依個世界末日嘅同時，你亦都一樣，佢覺得你比佢自己更重要。」
 
我泫然：「田中，我唔值得妳咁做…」




 
Kelvin倏然道：「阿帥，嗰天關咗度門，都會開番扇窗嘅，你唔好喊住，對於田中一事，我地無辨法嘖，唔代表其他人都無辨法，我地可以搵專家，曹尼瑪博士係依方面嘅權威。」
 
「曹…曹尼瑪，係喎！我依家就去搵佢！」
 
我們一行人到了曹尼碼位於打鼓嶺的住所，我使勁拍打大門，催促道：「開門啊！曹尼瑪，快啲開門啊！」
 
屋內隱約傳來曹尼瑪的聲音，道：「操你媽，嚟緊喇！唔好咁大力啊！間屋就冧喇！」
 
大門敞開，戴上宛如愛華頓球星費籣尼假髮的曹尼瑪出現我們面前：「操你媽！你地有冇禮貌架？咁大力…」
 
我沒有閒情逸緻聽他說廢話，雙手扠著他的脖子，把他推摁在牆上，道：「講啊！快啲講啊！田中依家點樣？點樣先可以救返佢？你仲乜唔出聲？」
 
「大…大佬，我呼…吸…困難，點…出聲…」
 




小莉勸道：「阿帥，你放開佢先講。」
 
我放開了曹尼瑪，曹尼瑪喘了口氣，挽了挽衣領才道：「哦！你條毒撚，我認得你，你上次同條囡嚟搵我，條囡仲係嚟自另一個平行世界，嘿嘿，依家係二零一一年，即係佢依家選擇咗返去，所有嘢都重新開始。」
 
「講田中依家點樣？佢返番去屬於佢嘅世界係咪已經死咗？」
 
其實當田中選擇回到她的世界，我已經作出了最壞的打算…
 
但豈料曹尼瑪卻道：「咁又唔係喎，當係佢決定咗返番去嘅時候，佢嘅決定影響咗依個星球，分裂咗另一個平行世界，佢係嗰個平行世界繼續生存。」
 
我聞言揪著曹尼瑪的衣領，激動道：「咩話？你話田中無死到？」
 
「咳…咳！喂！放…手…」
 
我放開了曹尼瑪，轉頭向Jude道：「阿姐，妳聽唔聽到啊？田中，田中無死到！」




 
我繼續向曹尼瑪追問道：「你點知田中真係係另一個平行世界度？」
 
「因為…係另一個平行世界嘅我同我佈夢，話嗰個女仔嘅出現產生咗一個新嘅平行世界出嚟！」
 
「點先可以令田中返嚟？」
 
「操你媽！我咪講咗只有係啲好特殊嘅情況下，先會令兩個平行世界連接喺一齊，出現依個情況嘅機會微乎其微，好難會再出現同一樣嘅情況！」
 
我強調道：「即係田中可以返嚟嘅機會唔係完全無可能？」
 
「操你媽，無嘢話完全無可能，六合彩都有機會一注獨得。」
 
「咁有咩方法可以令兩個平行世界再度接軌？」
 




「操你媽，唔好話我無方法，就算有方法令條囡返嚟，佢最後咪又要返去，其實依個對你、對佢、對依個世界都係最好嘅結局！」
 
得知田中無恙，我的心變得沉實，我對自己說，我不能自暴自棄，我要想辦法令田中回來。
 
究竟有什麼方法？
 
一個想法在腦海浮現，田中在離去前，不斷要我奸爸爹，是不是我奸爸爹就可以令田中回來？






以下是小弟的FACEBOOK專頁,內有更多精彩內容,如各位對小弟的作品感興,不妨到此留下讚好,給予鼓勵,你們每一個支持,均是給我做得更好的動力,謝謝
https://www.facebook.com/vc907907?ref=hl