再遇上中學女神: 4.

中2果年係我咁多年中學最開心既一年...

因為我地果班有幾個都比較頑皮...上堂唔係玩就係訓覺...但至少無人會走黎整蠱我......當然既係上堂有時可以偷望女神啦...

當年仲係流行玩icq...有個自己整既留言板咁...電話都仲係同台send訊息唔收錢既時候...唔似而加咁方便...

因為我地兩個好朋友坐係佢身邊既關係...有時小息我都會去左佢個位附近吹下水...

慢慢同佢都會有一兩句既交談，但佢講野好細聲，要好留心先至聽到佢講咩，同埋佢笑起上黎好甜，



所以我一有時間就會行佢去果頭，希望可以傾多一兩句計，直到終於有一日拎到佢個留言板既網址!!!

當日一番到屋企當然即刻開電腦去佢果到留番個言先啦!!😎

留個言扮哂野問佢知唔知係邊個果啲...點知佢又極速識穿左果個係我...

原來有佢留言板網址既人唔多...再加上我用左個足球員既樣...

咁就比佢知道左了...而且佢唔用得好耐電腦...



所以我一得閒就會上去留個言...

不過當年淨係咁都已經好開心...好滿足...