男校生之暗戀: 第一章 一剎那就一見鐘情

可能我地讀男校嘅關係，真係好少同女仔相處，我只知佢以前讀曉明街蒙民偉，而因為佢，亦成為我每天返夜校嘅動力，不過點樣同佢Say Hi, 點樣識佢？我只知我每日都偷望佢，而我相信佢都發覺到。

那個年代，雖然已經有手提電話，但做學生，邊有咁多錢出手提電話，直到夜校嘅最後一天，我都未同佢正式傾過計，唉，返到屋企，連飯都食唔落，唔通就係咁...


《偏偏喜歡你》陳百強
愁緒揮不去苦悶散不去
為何我心一片空虛
感情已失去一切都失去
滿腔恨愁不可消除


為何你的咀裡總是那一句
為何我的心不會死
明白到愛失去一切都不對
我又為何偏偏喜歡你

愛意是負累相愛似受罪
心底如今滿苦淚
舊日情如醉此際盼再追
偏偏癡心想見你
為何我心分秒都想著過去


為何你一點都不記起
情義已失去恩愛都失去
我卻為何偏偏喜歡你

情義已失去恩愛都失去
我卻為何偏偏喜歡你

不過我自己都肯讀書，會考時期，市政局（康文署前身）嘅自修室係要申請先可以入去溫書，我都申請左瑞和街自修室其中一個時段，我記得應該係晏晝嗰段，第一天去到，鬼死咁多人，唯有帶住耳筒聽住CD溫書，又悶，所以坐左無耐就走左...

第二日，又去自修室溫書，搵左個近走廊嘅座位坐，突然間一個熟悉的身影在旁邊經過，抬頭一望，原來係阿菲在搵位，於是我指指前面張枱有個空位，佢就走左埋去坐，今次真係冇死啦，臨走前，我厚住面皮鼓起勇氣行過去



「咁啱嘅，你都來呢到溫書呀？」連我自己都覺得廢話
「係呀，以前唔見你嘅？」佢笑笑口問
「我...我以前係屋企溫書架，不過屋企太多誘惑啦，係呢，得你一個，可唔可以俾個電話我，等我可以幫你霸下位。」俾佢問番轉頭我真係答到一額汗
「好吖，我住瑞和街馬會樓上之麻，俾張紙嚟我寫俾你...」
我就搵左張紙俾佢寫左個電話2345xxxx係張紙上面。
嗰晚我真係開心到瞓唔著...畢竟我十幾歲仔第一次問女仔攞電話，無諗過佢會即刻俾...