我覺得佢男朋友好賤,雖然我好黑心咁想佢地分手,但我又好擔心佢,而同一時間我又唔知講唔講俾阿菲知好,萬一誤會左以為我想拆散佢米死,我咁係米太過小心眼,定係對自己太過無信心,還是我唔想關係會惡化呢?
如是者我每天離開自修室都會行一轉佢屋企樓下...
希望見到佢...
直到某一天,係大廈門口撞到佢
「近排唔見你去自修室嘅...」
「...我男朋友係唔係上面...」
「...」
「係米同個女仔一齊?...我地...分左手...」
「...你...冇事麻...」
「...我冇事...我上番去啦...拜拜...」


我望住佢落寞嘅背影消失於我眼中,心裡有D後悔同自責,點解自己咁小心眼同無勇氣講俾佢知...
個心又好痛好痛...原來佢唔開心會攪到我好down
之後除左有時星期六日佢才會出現係自修室,我估佢係避開佢男朋友,唔係,係前度男朋友才對...
而我都因此冇乜心情溫書,成績一落千丈...
不過我唔敢俾佢知...

太極《留住我吧》

又望你多一眼 淚緩緩的淌下
又是分開的一剎那


實在我心中有極難言的說話
但願你一一知道嗎
留住我吧 留住我好嗎
你說過跟他早已不像話
你說過再不想見他
你說過喜歡聽我的夢話
此刻留住我 可以嗎
但是我永不要在含糊境況下
利用你跟他的變化
若是你愛一個 就完全的愛吧


莫問再應不應記掛
留住我吧 留住我好嗎
告訴我簡單一句心內話
告訴我若要我留下
告訴我讓我知道怎做吧
今天留住我 可以嗎

難道這夢已經消失變化
告訴我簡單一句心內話
告訴我心願別再盼
告訴我讓我知道怎做吧
一生留住我 可以嗎