《真實實景生存遊戲》繼VR後最真實之遊戲體驗: 廢青日常

我叫呀俊，今年22歲，係一個熱愛打機嘅廢青。

話說幾年前，好多遊戲公司推出左VR呢種虛擬實景遊戲，當時得18歲嘅我根本冇多餘錢買呢種玩意，到中學畢業之後，我就返左份兼職，諗住買下心頭好。

遊戲界嘅虛擬技術進步得實在太快，短短幾年就發展岀VR+等...高科技產品。其實最吸引我嘅就係「遊戲實化器」呢個屈機產品。

身為一個機迷！我去左排隊買機，香港人鍾意排隊，我都唔例外，我排左2日隊之後終於買到新科技。

返到屋企，我快快手手打開包裝，入面啲遊戲裝置係一條有彈性啲頭帶同一張晶片。
心急嘅我即刻開電腦，接駁哂啲線開機試玩，連說明書都冇睇就載好呢件新玩意上頭，開始真實遊戲之旅！