能擁有你嗎？哪怕只有一天: 十三 比以前更好的關係

就係因為何逸霖既生日，令我地既關係變返以前咁，甚至比以前更加好，因為依家大家唔同班，變左連上班既時間，都會用訊息聯繫，係學校見到面都會打招呼同互相打下大家。佢對我做既野，好似已經超過左朋友之間既關心。由於我好中意買野，佢就成日管我。

霖：你可唔可以唔好成日買咁多野，啲錢都就洗哂喇，你下次買野之前問過我先好買啦。

我：點解要問完你先買？

霖：廢事你一陣又亂買野呀。

眼前既呢一個何逸霖，真係唔同左，變得已經好陌生。





隨住大家聯絡返既日子耐左，大家約岀黎見面既時間亦多左，每次大家跑完步，都會一齊食飯。就算有時無約好，都會撞到大家。

有一次我無帶八達通同鎖鑰，返唔到屋企，我同佢講，佢二話不說就叫我上佢屋企度等我屋企人返去，上到佢屋企我就攤左係佢張床度，佢張床有一種只會係佢身上聞到既香味，形容唔到既香味。自從呢次之後，我就記住左去佢屋企既呢條路，因為我知道我仲會再次上黎既。

因為大家住既地方近既關係，大家見到面既時間亦都好多，返學岀門搭地鐵既時間亦都一樣，所以經常好見到大家。而就算幾夜都好，都唔會怕無車返唔到屋企，因為就算行都可以行得返自己屋企。

由於學會好多野要籌備，有一段時間我都搞到成十一二點先返屋企，而何逸霖話擔心我自己一個返屋企危險，特登搭地鐵過黎送我返屋企。

霖：咁夜女仔自己一個返屋企咁危險，我送你啦。





我：唔洗啦，你特登過黎咁麻煩。

霖：唔得，我依家過黎，你係地鐵站等我。

最後，我都係聽佢講係地鐵站等佢黎送我返屋企。本來諗住叫佢送到我樓下就算，結果佢堅持要送到我去屋企門口佢先安心。

媽：咁夜既，有人送你返黎？

我：係呀。





結果比我呀媽見到佢，就叫左佢入我屋企度坐。佢係唯一一個見過我屋企人既男仔，亦都係唯一一個我呀媽知道我中意過既男仔。