愛神丘比特: 第二章 再來一次

「喂!啊哥你唔再起身就遲到啦!!快D起身!!」
「...嗯....咦..細妹.....你唔洗返學咩...咁早黎醫院做咩...?」
「咩醫院啊??啊哥你係咪訓到傻左啊~尼到係屋企啊,快D起身着校服落黎食早餐啦!!校服我放係到啦。」細妹講完之後就打開門行左出房。
「.....咦...校服..?」我望一望岩岩細妹放野既地方,係有套衫係到。白色既裇衫同埋黑色既長西褲,另外仲有條酒紅色既Tie,上面有個LCK既圖案。
我着起件衫「啊.....尼隻感覺.久違啦校服..」我打開門,我被我眼前既景象嚇親。兩位熟識既身影出現係我眼前。
「....爸........媽.....??????」突然我既意識蒙糊起黎....眼前一片黑暗.....


「我地再睇下點,如果一陣仲未醒就送去醫院檢查。老婆,麻煩你去打電話去學校請個假。」我聽到一把聲線低沉既男人聲,我張開眼,搵下聲音既來源。」
「耀文!!你醒啦!你有無咩事,身體有無咩回事???」我望一望眼前既男人,無論係樣貌同聲音,都同我死係交通意外既爸爸一樣,我慢慢靠近佢,抱住左佢,眼淚不斷不斷咁流..




「耀文.....係咪發生咩事...講比爸爸知....」爸爸佢見到咁既我,擔心咁問。但我依然唔出聲,就一直抱住佢唔放。爸爸都好配合無再出聲,等到我情緒平服返既時候,先出聲問
「耀文,發生咩事?」
「....我搞唔楚...有D累...想訓陣。」
「....咁好啦...有咩事要同我講啊..爸爸我同媽媽佢講下你個情況先,你就好好休息先啦,有咩事就大叫我地啦。」講完之後佢就出左去,留低我一個人訓係張床到。
究竟尼個係咪一場夢?係既話我都唔想醒啊.....
「唔係啊....尼個唔係一場夢....」,一把女聲係隔離發出。
「咦?.」我慢慢望去隔離,見到一位少女背後竟然有對翼,雪白同好多羽毛既翼。雖然嚇左我一跳,但尼個女仔我好似係邊到見過咁....無錯佢唔就係係醫院自稱丘比特既人?我記返哂所有野..醫院果陣時既野.
「你係咪丘比特???可唔可以話我知發生咩事?」
「你宜家唔係發緊夢,係真實存在既,由於我地決定幫你,所以我地令過去既時間倒流返,我地倒流返左去三年前,你父母未死既時候,同時都改變你既命運。只要有少少變化,命運就會改變。宜家既你係係假設你父母三年前無發生車禍身亡既前提運行緊。」
「上帝要我落黎好好照顧你,所以由今日開始,我愛神丘比特會一直陪住你喔!!」丘比特笑住咁望住我。




估唔到咁神奇既事會係我身發生.雖然好不可思議,但我選擇相信。
就係咁,我同愛神丘比特既故事就咁開始。