我與 Suki 走到內衣店外面,正盤算著該怎樣進去,赫然發現店舖的櫥窗玻璃已毀。我們便從櫥窗去窺探店的情況,確認基本安全後,便走入舖內。

店內沒有燈光,很多貨物散滿一地,好像曾經有人來過。

我快速地走遍店內每個角落,沒有發現異常,於是便放下背囊和身上的武器讓 Suki 開始去選擇。

「你揀啱可以入去換...」我指著更衣室説,「我喺出面睇實有冇人嚟!如果真係揀唔倒,我哋可以試下上千色揀...」

「吖,仲有,記住幫 Vicky 揀埋...」我補充道。



「其實,我都唔知 Vicky 著開咩碼...」Suki 嘟著嘴説。

「吓,你同佢咁 friend,點會唔知喎?」我覺得奇怪。

「Keith 夠係你細佬囉,咁你又知唔知佢底褲著咩碼吖?」她反問。話説回來,我真的不知道他的內褲呎碼...

「唔知哩... 咪係囉,我又未摸過 Vicky,點會知啫!」Suki 淘氣地説道。

「吖,我幫你入去 set 定啲燈比你換衫。」説罷我便拿著電筒與手機進入更衣室,然後把所有燈光打開。



燈光設置好後,我便在一旁的座位等著。好一會後,Suki 才拿了幾套衣服過來。

「嚟啦,幫我眼睇下邊件好睇?」Suki 拿起不同的衣服興奮地放在身上,要求我提供意見。

其實,我沒有太多與女性逛街購物的經驗。之前與女友拍拖時也很少一起逛街,故我完全沒有提供意見的基礎。

我只有隨意説,「呢兩件都幾好睇...」

「你都覺得好吖?我都係咁諗!」Suki 興奮地叫著,但一秒後她的表情便轉變了,「不過白色會唔會肥咗啲...」



這句出自身無半両肉的 Suki 口中,未免有點過份,不過我還是禮貌地回應,「唔係吖,睇落一啲都唔肥吖...」

「都係再睇下先...」説罷她已經繼續在衣服堆中搜尋。

又一會兒後,我們將類似的問答重新演譯一次,但這次是顔色不對。

之後是剪裁不合身。

我開始失去耐性,我之前只在萬寧那了數包中及大碼的紙內褲備用,完全想像不到她能若無其事般,在這非常不安全的環境下,開心地挑選著不同的衣服。

不能再這樣等下去。

之後 Suki 再次雀躍地拿著數件衣服過來,我終於按捺不住,但也婉轉地跟她説,「不如妳入去試咗先吖,再揀我驚啲電筒會冇電...」

她好像感受到我的不滿,便悶悶不樂的向更衣室走去。



良久,Suki 還未走出來。

輕輕的啜泣聲在更衣室傳出,我立刻跑到更衣室外問,「Suki,你冇事吖嘛?」

沒有回應,只有持續的哭聲。

我擔心她有什麼事,「Suki,有冇事吖?我入嚟嫁喇!」

依然沒有回應,我只有把更衣室的布簾打開。

Suki 正瑟縮在一角啜泣,身上只穿著胸圍和內褲。

Suki 知道我走了進來,立刻雙手護胸對我説道,「喂,你入嚟做乜呀,人哋仲換緊衫㗎...」



我看得目定口呆,呆立當地。雖然她的身材遠遠不及小喬,但少女身軀散發著的青春氣息,並不是成熟女人能夠比擬。

「喂!!!我同你講緊嘢呀!」Suki 重覆叫道,然後快速地穿回之前穿著的 T-shirt 及短褲。

我立刻回過神來説,「吖... 我見你咁耐都唔出嚟,入面又有喊聲,所以咪入嚟睇下囉...」

「咁你就衝入嚟嗱?明知人哋換緊衫,又唔問人就入嚟...」Suki 續説,「唔好話你有心偷睇!」

我明明以經問過她,聽不到回應才進來,現在她這樣説簡直是不可理喻,但我看著眼泛淚光的她,我只有忍讓地説道,「係我唔啱,我見妳喺入面噤耐驚你有危險,所以冇問清楚就入咗嚟,好對唔住。」

「我都話你㗎啦!仲話唔係!」Suki 得勢不饒人,「我係你細佬個女朋友嚟㗎,咁你都蝦我,返去我就同佢哋講!」

我真的不知所措,「求下你唔好啦,我都係擔心妳有事啫,最多我應承妳下次一定會問清楚妳,尊重妳嘅意思先做...」

更衣室頓時一片寂靜,等待著回應...
已有 0 人追稿