［人性/有甜］- 屍•家•馬鞍山（隔日更新）: Chapter 53 - 服裝店的爭執

「哈哈哈，冇得匿啦嘛？」門口那男人説道。

「等我嚟！」此時另一個男人已經一拐一拐的向我們迫近，他目露兇光，應該就是剛才被我打低的男人。

我把 Suki 擋在身後一直後退，瞬間已經走到了一個更衣室的門前，再無路可退。

見我們無路可走，那人便露出他那猥瑣的笑容説，「呵呵！頭先太黑睇唔清楚，原來後面嗰個靚女嚟㗎喎！一陣等叔叔餵飽妳啦，哈哈哈！」

我感覺到 Suki 已經將她的俏臉，深深的躲藏在我的背後。



「小妺妹唔洗驚喎，你條仔頭先咁大力扑我扑得咁過癮，我實十倍奉還比番妳嘅，哈哈！不過妳放心，我唔會殺佢嘅，到時比佢睇住我哋啲精液喺你嗰度流出嚟，個樣實好好笑！」男人不停地侮辱我們。

Suki 抓得我更緊，她的手指甲猶如已經陷入我手臂之中。

我能理解及感受到她的恐懼，我亦沒有辦法再忍，唯有拿出我那操作得不太熟悉的手槍。

我對它的認識，只局限於電影及電子遊戲上面。

男人好像對我突然拿出的物件覺得驚訝，不過轉眼間已經回復之前的表情道，「𡃁仔，咪以為攞住枝玩具槍指住我，我就會驚，阿叔出嚟行嗰陣你都唔知喺邊！」跟著他便伸出手，欲搶去我的手槍。就在這千鈞一髮之際，我扣動了板機。



「砰！」巨響在近乎密封的店內回盪著，產生刺耳的迴音。眼前的男子左肩上多了一個血洞，血液正不斷湧出，然後痛極倒在地上呻吟著。

全場的人都呆住了，包括人生第一次開真槍的我。當想到這致命武器曾經毫無防備之下插在我的腰間，我也為我的幸運抺一把汗。

「你哋全部咪郁！」這次發出命令的，是手握槍枝的我。我終於可以環顧眾人，面前的敵人一共有四個，除了剛剛失去了戰鬥能力的男人外，還有三人分佈在不同角落，他們各人都手執一把開山刀。

「你冷靜啲咪亂嚟，睇你手震震咁，應該都係第一次開槍，除非你有把握打死曬我哋啦！」説著他們便向前走，慢慢拉近我們的距離。

「企喺度！」我大聲警告他們。「唔好迫我開槍！」



「好吖，你一係向住我個頭一槍打死我，如果唔係我一定劈死你！」男人沒有絲毫懼色。

「你唔洗驚佢㗎，你是但射佢一度，而家咁嘅環境一定冇得救㗎喇，我就唔信佢哋個個都唔怕死！」説話的是坐在一旁的一個少女。

「收聲啦，八婆！係咪屌得你哋唔夠喉呀！」男人老羞成怒，想走過去教訓她。其他二男也停止了前進。

「你咪郁呀！你再行睇我打唔打爆你！」我被她的説話燃起了信心，更堅定地握著手上的槍。

「得得得，我哋比你同條女出番去，當冇事發生過，okay？」他的態度開始軟化。

其實我也想盡快離開這個地方，我原本也只是想幫忙找一下芳姐的兒子便離去，根本沒有想過把自己陷入這危機之中，現在難得有一個全身而退的機會，我應該把握。更何況，手上有多少籌碼我也不知道，如果下一發射出的是空槍，我和 Suki 的命運都不堪設想。

「求吓你救吓我哋吖～」剛才的少女叫道，「你哋一走我哋會好慘...」少女雙眼變得通紅。

「唔得，女人同糧食係亂世裏面嘅財產，我哋冇乜糧食，呢啲女人留番可能有用，最多我送個男嘅比你，反正留佢喺度都冇乜用！」男人提出條件。



「你叫咩名？」我向少年問道。

「Johnson，我叫 Johnson！」他興奮的回答道。

「中文名！」我冷冷地問道。

「吳港生...」他好像對我的提問感到奇怪。

想不到他便是我要找的人。我便跟男人説，「好，我帶埋佢走！」

「好，就咁決定！」男人爽快答應。

我與 Suki 移近他們，然後我著 Suki 幫手鬆綁，我的手仍然持著槍對著男人們。



「Johnson，帶埋我走！」Johnson 身邊的少女叫道。

「我... 話唔倒事...」Johnson 的眼神好像對我作出請求。

「喂！唔好得寸進尺！」我未及作出詢問，男人已經道出了他的底線，「一係個男嘅走，一係全部留低唔好走！」

「我走！我走！」Johnson 搶著答道。

「Johnson！咁我呢？我係你女友嚟㗎，你就由得我比佢哋... 嗚嗚嗚...」少女悲傷地哭著。

「你都已經比佢哋攪過啦，都唔爭在！況且我留喺度都幫唔倒你哋嫁啦，唔通日日睇住妳比人中出咩！」Johnson 面帶不屑地説著。

「啪！賤人！」出手的竟是 Suki，「呢巴係我代佢比你個賤人嘅！」

「𡃁妹，你憑咩打我呀？我屌女嗰時妳毛都未出齊啦！」Johnson 對著 Suki 大罵。



「呀～」Johnson 應聲跌坐在地上，這一次是我按捺不住，向他踼出重重的一腳。

「你條 L 樣！你自己留番喺度啦！」我憤怒地説。