「阿 Roy,你聽吓!」正想得入神,卻被素恩拉回現實之中。

「我係負責呢次撒離行動嘅駐港部隊司令員,張建軍中將。中央政府已經下達咗香港居民嘅撤退命令,所有幸存者請儘快前往白石俱樂部嘅臨時集合點,我哋會安排大家儘快撤離。重複,我係負責...」隨著車隊遠去,廣播聲音也漸漸減弱。

撒離,到底是好是壞?

話說回來,King 是否已經回來?昨晚又是否查探到什麼?

「咦?呢張係全家福嚟?」素恩看到我手上的相片,「點解無啦啦拎幅相出嚟嘅?」



「係阿 Keith 留低嘅...」我回應道,「妳睇吓有乜特別先,我去一去廁所。」

我把相片交給她,字條卻仍緊緊握在手心。

我終於也要進入那環境惡劣的洗手間,幸好內裡的氣窗已經被打開,坐廁的廁板蓋亦放下,這裡才不致於臭氣熏天。

我亦隨手把手中的紙條,讓它乘風飛走。

打開廁板,真正的惡夢才開始。



一陣嘔心的氣味撲鼻而至,我有點後悔,為何沒有預先閉氣準備。

反正我又不是需要很長時間,唯有硬著頭皮速戰速決。

沒有水可用,只能以廁紙抺手。

感覺有點髒,但沒有更好的方法。

離開洗手間,在屋內走了一趟。



除了 Vicky 和 King 外,各人都百無聊賴地聚在客廳中。

「阿 King 仲未返?」我害怕 King 與 Vicky 會走在一起,於是向 Clara 試探道。

「阿 Roy 少,我又唔係佢條女,我點知喎!」Clara 明顯有點不悅,「你係問,都係問 Vicky 啦!」

很明顯,她話中有話。

Kimi 看見無奈的我,便向我搖頭示意,說明 King 仍沒有回來。

「阿 Roy,你頭先有冇聽倒個廣播?」久未哼聲的 Janice,突然開口問道。

「嗯...」我想沒有人會聽不到吧!

「咁我哋係咪晏啲落去呀?」Janice 好像重燃一切希望似的,「去到白石咪可以離開呢道囉!係咪呀?」



一切看似簡單,但實情真的如此嗎?

King 還沒有回來,令我感到他們的目的不是如此單純。

但一切只是推測,我無法排除他們真的有心拯救我們。

可要我作出決定,實在責任重大。

「不如等阿 King 返嚟先吖?佢出咗去探路...」我想還是謀定而後動。

沒人作出回答,看來她們不是太認同我的提議。

「我諗佢哋都唔想再屈喺度㗎喇...」Clara 開口說道,「要佢哋喺咁嘅環境住落去,不如出去搏一搏...」



難得 Clara 出面,我亦無謂去阻止。

「有邊個同我出去?」Clara 向眾人問道。

Kimi 和 Janice 立刻舉手支持,之後眾人的目光再次移向我。

我沒有打算加入她們,一來我不會相信所謂的撒離行動,二來為了 Carey,我也不捨得就此離開。

「我都去!」此時 Vicky 突然從房內走出來,回應著 Clara 道。

「我唔想留喺度,雖然出面好似好危險,不過好過喺度乜都唔做...」她這話好像衝著我而來。

對不起,我有苦衷...

「最後一次,去唔去呀,Roy 少?」Clara 向我發出最後通牒。



「唔喇,我要睇住 Carey...」在 Vicky 面前,我沒有打算隱瞞。

「吓?佢而家唔洗再睇住啦吓話?」Clara 不屑地說道。

我有一點想反駁,卻被 Vicky 快一步插口道,「Clara 姐唔好再理佢啦!佢想點咪由得佢囉!」

「咁好啦,大家準備好就出發!」Clara 一聲令下,各人亦準備動身。

「咪住咪住!我哋都一齊出去!」素恩突然從房中跑出,向 Clara 說著。

「究竟你哋想點㗎?一時話唔去,一時又話去!」Clara 看來有點不耐煩,向我怒視著道。

我感到有點無奈,因為連我也不知道,素恩為我作出決定的原因。



我看著素恩,希望她能為我解答這個難題...
已有 0 人追稿