［人性/有甜］- 屍•家•馬鞍山（隔日更新）: Chapter 317 - 墮入陷阱

我立刻把菜刀收起，但仍舊把胖子壓在地上。

話雖如此，但我怎能讓這充滿攻擊性的敵人乖乖聽話？

「但係...」我想道出我的擔憂。

「得！交比我！」Clara 好像明白我的想法，已經快一步回答我的問題，「你幫我壓住佢先！」

只見她從風褸內拿出一個小盒，然後拿出針筒往那人的手臂注射。



話說回來，這小盒子在哪裡見過？

是 Jacky！

看來，Clara 跟 Jacky 是一夥的！

可一切已經太遲，因為我感到，另一枝針筒已經插到我的臂上。

「Clara，你...」藥力發揮得很快，轉眼間，我已經感到四肢無力。



「我呢邊攪掂，喺 MC4D，仲買一送一添！」Clara 不知從哪裡拿出來的對講機，向另一頭報告著。

這時，素恩亦走了進來查看我們的情況。

「素恩！即刻同 Vicky 走呀！」我用盡力氣，高聲向素恩叫著。

Clara 亦已經拔出手槍，準備回身攻擊。

「砰！」子彈射出，但看來沒有射中。



無奈的素恩，只有立刻轉身逃走。

我看著大門上的彈孔，心裡便更加不安。

「妳有心放佢走？」我忍不住向她問道。

「嘿嘿！你都知道，我啲槍法冇咁差哩？」Clara 得意地答道。

「即係妳想佢哋引埋其他人出嚟？」其實，我已經心裡有數。

「喂，個答案好明顯啦，傻仔！」仍被我壓在身下的胖子，不忿地叫道。

「你哋慢慢傾啦！好快會有人嚟處理㗎喇！」Clara 已經準備離開，「你哋放心，隻藥只係會令你哋手軟腳軟，不過仲可以正常吹水嘅！嘻嘻！」

「你究竟係咩人？」我問 Clara。



「嘿嘿！阿 Roy 少，你真係覺得我會同你講？」Clara 不屑地回應，「不過我咪一早同你講咗，我係一間外國公司嘅調查員囉！」

「好喇，再見喇！祝你旅途愉快！」Clara 走到門前說道，「吖！應該講，唔會再見喇！」

就這樣，Clara 便從大門離開。

「有乜感想阿儍仔？比人用完即棄！」可惡的胖子再次挑釁道。

「收嗲啦，你個變態殺人狂！」我不忿同答道。

「嘿！到而家你都未訓醒...」胖子幽幽地答道，「不過儍仔永遠都係儍仔！」

「你有嘢就講啦！喺度故弄玄虛！」我已經有點憤怒。



「頭先同你交手，我就估倒我哋跟本就係同類！」胖子回答，「即係話，你同我一樣，一早已經唔係人類！」

這句話對我來說根本難以接受，但也無從反駁。

難道，我真的是剛才那些人所說的怪物嗎？

那，我是否正不斷地殘害著同類？

沒可能，當初是 Jacky 襲擊我在先！

「冇可能，如果我唔係人，點解我會比同類襲擊吖？」我反駁道。

「哈哈！你個儍仔真係好笑，咁你頭先又做乜襲擊同類呀？」胖子嘲笑著我，「人類自己都唔會相親相愛啦，低能！」

我無言以對。



「你個儍仔唔係唔知道，屌閪同食人肉會增加力量吖嘛？」胖子繼續說道。

「我淨係知頭一樣...」我尷尬地答道。

「嘩！咁你個儍仔都幾勁喎，淨係屌女都咁好揪！」這是來自胖子的首個讚美。

當然，我沒有告知他另一個大幅增強力量的方法。

但聽到他的話，卻使我內心感到十分不爽。

究竟在這數個星期以來，我到底幹了什麼？

為生存？為救人？



還是？

「所以唔該你認清楚自己個身份啦！儍仔！」胖子再次嘲笑著我說，「不過，好似已經太遲喇！」

回頭觀看，屋內已經出現了數名大漢。

雖然他們都被黑衫褲和頭套包裹著全身，但也不難看出，他們全都是外籍人士。

「Parrot、Pigeon，search the rooms inside！」領頭的人向身後的手下命令道。