「嗯... 我冇事,唔洗擔心...」Dickson 溫文地答道。

「冇事就好...」Vicky 搖著他的手說,「我仲以為佢哋會對你做啲乜...」

屋內的氣氛頓時膠著,眾人都只是注視著眼前的二人。

「吖!唔記得得同你哋介紹,佢叫 Dickson,係我喺出面撞倒嘅好朋友...」Vicky 熱情地介紹著,彷似認識了他很久一樣。

「Hi... 你哋好,好開心認識倒你哋...」Dickson 禮貌地向我伸出手說著。



坦白說,我對他丁點好感也沒有。

「Hi...」我只是敷衍地回應。

「你哋喺邊度識㗎呢?」我轉向 Vicky 質問道。

「關你乜事?」Vicky 不屑地答道,然後主動繞著 Dickson 的手。

我感到有點羞憤,但確實也不能做些什麼。



時間,就好像在這一刻凝著。

「老豆,不如我哋留低 Dickson 喺呢度住囉?丙區咁危險...」Vicky 向華叔請求著。

「嗯... 不過我唔知太師佢比唔比喎...」華叔好像面有難色。

「嚟啦~ 老豆~」Vicky 不斷地用嬌嗲的聲音請求著。

「唉... 好喇、好喇,我幫妳問一下太師喇...」華叔始終敵不過 Vicky 的猛攻。



「Suki,麻煩妳幫我睇住我個女先,我同阿 Roy 出一出去...」華叔說道。

只見 Suki 輕輕地點頭。

「老豆呀!妳咁講咩意思喎~」Vicky 嬌嗔地答道。

「嘿嘿~」華叔只是一笑置之。

我實在也看不下去,而且我亦擔心遲遲都沒有出來的素恩的情況,於是我向華叔要求一起出發。

華叔亦好像早料到我的要求,揚手示意我一起出發。

「世姪,你究竟想點㗎?」甫離開大門不遠,華叔便搭著我的肩膀問道。

不難理解他在問我什麼。



但是,我又該如何應對。

「我都唔知...」我只有如實應對,「我同佢嘅感覺好似若得若失咁...」

「唉,你哋啲後生仔女嘅嘢,我真係唔知咁多,不過我淨係想知,你係咪真係鐘意我嗰女啫?」華叔向我問道。

「係!」在這個問題上,我沒有懸念。

「唔... 咁就好...」華叔看來頗滿意我的答覆,「不過,如果你真係鐘意,就唔好再吊兒郎當喇!」

「我知,不過頭先個情況,你都睇倒...」我確實無法知悉 Vicky 的心意。

「咁又點呀?如果咁就放棄,我都唔會比我個女同你一齊...」華叔突然變得嚴肅,「好嘅嘢,緊係多人爭㗎啦!」



「放心啦華叔,我會努力!」我向他許下承諾。

華叔沒有多作回應,因我們已經走到了太師的營地外面。

「麻煩你通報一下,說華叔想跟太師見面...」華叔向門衛說道。

「是!麻煩你稍等一下...」門衛亦隨即向內通傳。

「其實嗰個叫素恩嘅女仔,係同你乜嘢關係?」華叔突然問起,一個我害怕別人問到的問題。

「佢... 係我好好嘅戰友...」我絕不能把真相告知,只能隱瞞著我和素恩的關係。

「嘿嘿,係咩?」華叔好像有點懷疑。

「你們可以進去喇!」門衛向我們說道。



「嗨~ 兄弟們,怎麼喇?」太師仍是熱情的接待我們。

「其實都沒有什麼,只是有一個小小的要求...」華叔道明來意。

「來來來,有什麼請求,儘管說...」太師也友善地回應。

看來,他們的關係並不差。

「也沒有什麼,只是剛剛那個叫 Dickson 的男子,能不能讓他在我們那裡住一下?」華叔問道。

「唔... 這個嘛...」太師猶豫了一會,「人們的住處,都是按制度編排的,若果要我們特別處理,好像有點不公...」

華叔聽後,卻沒有特別的反應。



「要重新分配一定不行...」太師續說,「但如果是偶然停留一下... 我想也沒有大所謂的...」

很明顯,太師已經原則上同意了華叔的要求...
已有 0 人追稿