「要我錫妳都得,妳比我抆番出嚟先...」我開出交換條件。

「唔制,我要你一路插住...」阿 Yu 帶著妖冶的笑容回應。

我已經差不多可以肯定,她一直都是清醒的。

那為什麼?

我用心細聽,外面好像已經沒有任何聲音。



糟了!又是好色誤事。

我想離開,卻仍是被她糾纏著。

我立刻把她壓在枱上,「講!妳哋有乜陰謀?」

「嘩!你開心完就咁樣對人,你都好賤啫!」想不到,一把女聲突然從我身後響起。

我立刻轉身查看,卻見 Moon 手執利刃站在廚房門附近。



而刀鋒上,充滿著血跡。

看到此情此景,我立刻把阿 Yu 拋到枱上。

「妳想點?」我擺起架勢問到。

「我可以點呀?好明顯我唔會夠你打㗎啦!」說罷她把刀拋到地上,「我只不過想睇吓你開心完未啫!」

我再次摸不著頭腦。



「班人走曬喇!仲呆咗咁喺度...」Moon 氣急敗壞地叫道,「佢哋... 走咗去搵你啲朋友喇!」

「碰!」話剛說完,Moon 便不支倒地。

究竟,發生了什麼事?

「Moon 姐...」阿 Yu 跑上前去把她扶起。

我沒有空理會她們,因為我首先要確認一下,外面的人有否真的已經全部離開。

果然,外面空無一人。

只有剛才的陌生女子,倒卧在血泊中。

我立刻把散落在地上的衣衫穿回,然後繼續尋找。



我環視四周,發現剛才掛在祭壇上的畫像,已然消失。

我走近祭壇查看,發現原本在點燃著的香,亦已經熄滅。

祭壇上,只剩下一枚好像剛才戴在那祭司手上的介指。

我看著介指上的圖案,發現它跟圖像上的一模一樣。

這圖案...

喔!我終於想起了!

Keith 之前留給我的相片,那羽毛球拍上便是刻有這個標誌。



還有...

雖然沒有看得清楚,那天在體育館內遇見的黑先生,亦好像戴著同款的介指。

這個異生教,好像跟我們有著密切的關係。

「阿 Roy... 可唔可以... 幫吓我?」那邊響起了阿 Yu 的叫聲。

我立刻把介指,收藏到褲袋裡面。

我回到她們身旁,原來阿 Yu 想我把 Moon 帶走。

也好,反正我還要儘快跟我的同伴會合。

「阿 Yu,幫我拎埋把刀...」安全起見,我還是帶點東西傍身。



我把 Moon 放在背上,然後便跟阿 Yu 一起離開。

酒家外也是空無一人,而海面上的船隻,亦在不知不覺間全數離開。

我立刻加快腳步,然後向阿 Yu 邊走邊問道,「今日究竟發生咗咩事?點解妳哋會喺度出現?」

「吖... 其實我哋都唔知自己做緊乜...」阿 Yu 有點恍惚地答道,「今朝無啦啦比阿 Moon 嘈醒咗,話佢家姐失咗蹤,咁我哋就同埋佢一齊去搵啦!」

「點知行行吓,Maggie 就見倒山下面有個人影好似阿 Pat。我哋見倒咁嘅情況,都心知不妙。」

「阿 Moon 原本都叫我哋唔好去,不過佢之前都好幫我,咁我義氣仔女嚟家嘛,緊係水裡水裡去啦!」

「咁 Maggie 份人又冇乜主見嘅,佢見我哋去,咪又跟埋嚟囉!」



「吓!妳哋三個唔怕死嘅咩?」我覺得不可置信,「妳哋啱啱先喺地獄出番嚟,真係一啲都唔驚?」

「都驚㗎!不過我都冇理咁多,諗住都冇嘢可以輸,喺地下執咗啲架生就去同佢死過...」她咬牙切齒地答道。

「吓?妳哋有乜架生咁巴閉呀?」我質疑著,「佢哋又好打,又有槍喎!」

「嗰陣一心諗住搏命就得啦!」阿 Yu 尷尬地答道,「不過結果,咪中曬伏囉!」

我不知該作出怎樣的反應。

但,想不到她們卻有著,這一份難得的情義。
已有 0 人追稿