［人性/有甜］- 屍•家•馬鞍山（隔日更新）: Chapter 512 - 超市

「我講緊嗰個叫 Dickson 嘅衰人吖，睇佢對手好似跛咗咁，抵佢死啦！」Aki 怒吼道。

「佢咁對我，我化咗灰都記得佢！」Aki 握緊拳頭說道。

「其實，我哋係咪一定要跟住佢哋？」看來 Suki 都有點意見。

現在離開，便等於置 Carey 等人於不顧。

更何況，Clara 她們的目標跟我一致；找到異生教、找尋事實真相、找尋自己的真正身分。



最重要，是找回素恩。

「佢哋雖然講唔上係朋友，但係多啲人一齊，會比較安全...」我也沒有一個很有力的理由，只好勉強地答道。

「哦...」Suki 沒有正面回應。

「Suki 話時話，有樣嘢我想問清楚妳...」我見外面還沒有動靜，便把她輕輕地拉向一旁問道。

其實我打從 Suki 給喪屍襲擊後，便一直留意著她。



可是卻想不出原因。

「係咪點解喪屍咬咗我，我都冇事？」看來她亦一早已經知道。

「唔係... 呢樣我一早知，就正如之前華叔咁講過，妳同 Keith 都有抗體...」我回應道，「我覺得奇怪嘅係，啲喪屍一咬咗妳，就好似中咗毒咁定曬格唔郁嘅？」

「過嚟我話你知...」Suki 遲疑了一會，便再把我拉離 Vicky 她們多一點。

我被她拉到一旁，然後她貼在我的耳邊說道，「我有咗 Keith 嘅 BB，唔知係咪同呢樣嘢有關...」



我不可置信的看著她，令她感到有點尷尬。

「之前都比喪屍咬過，雖然我知道比人咬倒少少係唔會有事，不過就正如你見倒咁，喪屍咬完我就失去咗活動能力。」她靜靜地向我說道。

「仲有...」Suki 隨即向我展示剛才弄到的傷口，「個傷口仲會好快好番...」

我查看她展示給我那肩膀上的傷口，確實只剩下一點點的咬痕。

「當然，啲喪屍撲過嚟我都會驚...」Suki 看來還有點害怕。

「你真係肯定？」我不知道她會否弄錯。

「自己嘅身體變化，點會自己都唔清楚吖？」Suki 的答案卻十分肯定。

我細想，這病毒都比較奇怪，入侵女體七天後會令她變成怪物，但若然成功受孕，又會自然產生具攻擊性的抗體去保護母體。



不爭氣的我，不經意的又再懷疑到 Vicky 身上。

她的抗體，是來自她本人，還是？

不！我已經試過把她誤會，不能再重蹈覆轍！

但這使我更想知道，Vicky 的身世。

這令我更加堅定，要直搗異生教的決心。

「殊... 出面...」正在觀察著外面動靜的 Vicky，回頭向我們示意道。

我放眼望去，可見電筒光在前面晃動，然後便是數個穿插於路旁的黑影。



他們走到了超市門前，向四周打量了一下後，便熟練的向大門敲打著。

看來，裡面還有負責把守的人。

「大家準備...」我輕聲的叫她們準備好。

「嘞嘞嘞嘞...」卷閘除除地打開，六個身影便隨即內進。

「出發！」一聲令下，我們便緊隨他們，突入超市之中。

閘內正站著一個準備關閘的人，他看到我之後，竟也來不及反應，便已經被我一腳踢飛。

「全部咪郁！」同伴們配合著我，擎著只有少量子彈的手槍，向著眾人指嚇。

「哈哈！你都幾夠薑㗎喎！帶住幾條女就想挾持我哋，佢哋好似連枝玩具槍都未揸好喎！」其中一個大叔，淡然地轉身向我們說道。



看來他便是這群的首領。

擒賊先擒王！

我沒有給予他再說下去的機會，一踏腳便向此人撲去。

此人也不是泛泛之輩，雖然他好像沒有預計到這一步，但仍能踏順步韻，閃身作出格擋。

可是，我已經不是普通人所能匹敵。

「嘞嘞...」那隻用力擋著我的強大臂彎，在我的鐵拳面前，只有被擊碎的份兒。

那人在手臂受創後，只能無力地被攻擊的餘力所震飛。



其他人見狀亦打算出手，可是卻被那大叔喝停。

「你哋唔會係佢嘅對手，唔好作無謂犧牲！」那大叔叫道。

「冇錯，你哋唔亂郁嘅話，我應承唔會傷害你哋...」我亦想安撫眾人，「我哋只不過啱啱喺馬鞍山嗰邊走到嚟呢度，想補給吓啲物資咁啫！」

「你話馬鞍山？咁嗰邊嘅情況點呀？」一名中年男突然放下武器趨前問道，「你哋喺嗰邊走過嚟，係咪嗰度仲有好多生還者呀？」

很明顯，他跟馬鞍山有著一定的關連...