［人性/有甜］- 屍•家•馬鞍山（隔日更新）: Chapter 535 - 守衛的截擊

那人的腿被我踢斷後，卻仍沒有放棄。

他從腰間拔出軍刀攻擊，而他的同伴，亦擎槍正要向我射去。

「砰砰砰...」三連發的子彈，毫不留情的在我身旁不遠處射過來。

我立刻往一旁閃去，但亦無可避免的，被一顆子彈擊中了胸膛。

但這卻沒有影響到我的行動，我一手把來襲的刀鋒捉住，將它奪到了我的手上。



我將力量灌注在手上那軍刀之上，然後用力往另一人的身上擲去。

「嗖～」利刃應聲插入對方的胸膛，然後又在他的背部穿出。

而面前這人，亦被我揪著衣襟，準備承受我的致命一擊。

「停手呀，阿 Roy！」遠處傳來發叔的叫聲。

「停手、停手... 係誤會... 係誤會...」發叔匆忙地跑過來說道。



於是我一把將那人摔開，讓他的同伴去查看一下傷勢。

另一人，已明顯沒有了反應。

我亦查看一下，自己被槍傷到的地方，卻發現子彈只是做成了，一個不算太深的凹洞。

我這才回想起阿聰的存在。

我看著他那空洞的眼神，應該是給剛才的激戰嚇倒。



「阿 Roy... 冇事㗎喇... 我帶你去你啲朋友度...」發叔準備帶領著我們離開。

「喂喂喂... 冇走得咁易...」這時，Rex 卻慢慢地走到我們的面前。

他走過來四處打量後叫道，「吓？原來你唔止打傷我啲人，仲打死人添呀？」

「喂！係啲人一句都唔講，就嚟攻擊我哋先㗎喎！」阿聰忍不住插口道。

「嘿嘿！呢位小朋友，都嘅口多㗎喎...」Rex 用凶狠的眼神看著阿聰，「不過，邊個比你入嚟㗎？」

「你係邊個呀？有咩權話事呀？」阿聰卻沒有輕易妥協。

「哈哈！我而家就話你知，咩嘢叫有權！」Rex 之後向手下們示意，「捉住佢...」

「喂！邊個夠膽郁佢！」我怒吼道。



但當 Rex 的手下們，看到倒在地下那些同伴的情況時，便也不敢輕舉妄動。

「唔通你唔記得咗，仲有班朋友喺度？」Rex 向我恐嚇道。

難道，他已經挾持了我的同伴，以作威脅？

「我唔明你講乜喎？」我假裝聽不懂他所道何事。

「哈哈！你咁快就失咗憶？」Rex 嘲笑道，「唔通你唔記得咗，你呢朋友都食咗我啲毒藥？」

多謝他的提醒，因為我真的把這個，對我們說不上威脅的事情忘記了。

「咁你想點？」反正沒有損失，我打算試探一下他的底藴。



「嘿嘿！頭先你咪好巴閉嘅？咁快就肴底嗱？」他趾高氣昂地說道，「不過算你好彩，今晚我等人用，你又隊冧咗我兩個人，咁今晚就由你兩個頂啦！」

今晚的行動...

難道跟異生教偷運活人有關？

那我就將計就計。

「咁今晚要做乜呀？」我想獲取多一點的情報。

「你唔洗知住，總知今晚太陽落山之前，我就會派人搵你...」Rex 說罷便轉身離去。

「Roy 哥，我哋就咁算？」阿聰覺得有點心有不甘。

「唔係點呀？殺咗人，仲諗住發難渣呀？」我教訓著他道。



「同佢打過啦！你咁好揪...」他還是想我用武力解決問題。

我也狠不得馬上去教訓 Rex，但擺在我面前，還有更重要的事情去做。

為了大家的著想，現在也不便向阿聰解釋。

「發叔，我返去同朋友會合先，夠鐘出發就嚟搵我...」我向他交代一句後，便向 Clara 的營帳走去。

「阿 Roy～～～」我還與她們所在的營帳，有著不少的距離，但發現了我行蹤的 Aki，已經急不及待的飛奔過來。

「阿 Roy 你去咗邊呀？嚇死我喇！」Aki 跑到我跟前，便與我來一個深情擁抱。

「Hello，Aki...」在我身旁的阿聰，突然驚訝的叫道。



「Hello...」Aki 的眼神有點疑惑，「乜我... 識你㗎咩？」