「妳嘅意思係,妳個組織出現咗問題?」我想進一步打探。

「嘿嘿!𡃁仔,你想套我料?」Clara 用半醉的眼神打量著我,「不過見係你,我就話你知啦!」

「我發覺...」她的表情突然變得深沉,「自己根本唔係維持緊正義...」

「反而,只不過係幫緊一啲野心家,助紂為虐...」她感觸地說道。

我有點想不明白,既然她選擇了加入特工這條路,不是一早已經有覺悟了嗎?



沒有思想、沒有個人感受...

只有,服從組織的命令。

但細心一想,我遇上過的,又好像不一樣。

芷蕾、芷晴,甚至是素恩,她們全都是有血有肉,有靈魂的人。

還是,我真的比那些電視劇和電影,荼毒得太多?



「咁妳覺得,我點樣做先好?」我虛心請教。

Clara 煞有介事般的回看四周,然後又再俟近我說道。

「有冇諗過,消滅曬佢哋,自己建立一個勢力?」她提出一個令人驚訝的想法。

「咩... 咩話?」我完全沒有想過這東西。

先不說我沒有這樣的雄心壯志,就算我真的這樣想,我也沒有達成目標的實力吧!



「Clara 姐,妳咪講笑啦!」我只能報以尷尬的微笑。

「喂!你咪以為我講笑喎!」Clara 突然認真地對着我說,「更加唔好睇小自己!」

「哦?」除了呆著,我已經想不出其他的反應。

「你有冇諗過,最能夠保護倒其他人嘅,就係成為最強嘅人?」Clara 提出自己的想法。

確實,這我也十分清楚。

但要我消滅所有人,建立自己勢力,未免也說得太過了吧?

「呢樣我都好明白,所以我都好努力令自己變得更強...」我答道,「但係要成立乜嘢勢力,又好似誇咗啲...」

「咁你又唔洗睇少自己...」Clara 鼓勵著我,「就算係異生教教主,即係你老豆呀!當初都只係一個普通嘅打工仔...」



「只不過機緣巧合,再加上自己不斷膨脹嘅野心,今時今日先會成為異生教嘅教主...」

「而當然佢冇就咁打算罷休...」Clara 突然眉頭一皺,「佢而家想要嘅嘢,就係用自己強大嘅力量,控制所有人,甚至稱霸世界...」

「但係... 佢哋始終係我嘅親人...」我根本沒有大義滅親的理由和決心,「我諗唔倒有咩原因,我要置佢哋於死地...」

「......」Clara 一時也沒有回應。

「所以我都係盡快搵返佢哋幾個,然後搵一個冇人嘅小島,靜靜哋咁生活...」我看她沒有反應,便主動說出我的所想。

其實,這看來這也是我那,簡單而又卑微的願望。

「不過,我唔係咁諗...」她細想了一會兒後,終於再次開口,「首先,你所講嘅無人島,根本唔係話搵就搵倒...」



「要渺無人煙,冇比喪屍入侵,但又可以自給自足,可以搵倒嘅機會實在好微...」

「另外,唔好話異生教,就算其他嘅勢力,都好想搵倒你哋,希望得到你哋嘅力量,甚至進一步研究。你話想過一啲安穩嘅日子,真係發夢先有機會...」

「咁一係我幫妳哋個組織手,先消滅咗異生教,再要求佢哋比個身份我,隱姓埋名咁繼續生活落去吖?」我再提議道。

「究竟,你明唔明我講緊啲乜嘢㗎?」Clara 怒吼道,「你喺其他人嘅眼中,根本就係異類!」

「你已經唔再係普通人類,所以人類世界已經冇你可以存在嘅位置...」她再解釋道,「就算你幫咗佢哋做嘢,佢哋又應承咗你啲乜... 到頭來,後果都只係得兩個...」

「一係消滅你,一係就永遠利用你...」Clara 道出一個恐怖的事實。

「所以,除非你諗住放棄一切,包括你所愛嘅人。」

「如果唔係,你根本就冇得揀!」



我也清楚知道,自己的特殊身分。

要變回一個普通人,過回一些平淡的生活,看來已經是不可能的事情。

只是,真相由其他人道出,又是另一種震撼。

「好!如果我真係下定決心,去建立自己嘅勢力,妳又覺得我應該點做?」我想問過明白,「而妳,又會唔會幫我?」

「嗯...」但這一刻,Clara 竟又突然變得語無倫次,「哈哈!飲!今晚不醉無歸!」
已有 0 人追稿