［人性/有甜］- 屍•家•馬鞍山（隔日更新）: Chapter 629 - 舊地重遊

「喂！你哋捨得行未呀？」看得不耐煩的泫雅，突然大發雷霆般喝問我們。

「妳都識講前面就係西沙啦！咁妳又唔話比我哋知，邊度係目的地。咁我哋咪唯有，自己搵嘢做住先囉！」我忍不住反駁道。

「諸多藉口！」泫雅不忿地回答，「總之你唔好理咁多啦！落咗山先再講...」

「哦！係嘅大人！」我不屑跟她爭辯，「行呢邊吖嘛？」

我沒有再去理會她，只是頭也不回的，刻意拖著 Vicky 的手走在前頭。



落山的路比剛才走得輕快，但路程只是走了一半，我們便迫不得已的，再次把腳步放慢...

「阿 Roy，嗰邊嗰啲咩嚟㗎？」身後的 Vicky 探頭問道。

雖然大家都看得十分清楚，但仍是不敢相信自己的眼睛。

「好明顯，係喪屍...」我沒有其他的答案。

本來遇上喪屍並不是什麼新鮮事，但眼前的數量，卻是多得驚人。



「點解... 咁... 咁多喪屍㗎？」沒有遇過如此場面的泫雅，完全不能相信眼前的事實。

「不如... 我哋 join 返 Dickson 先吖？」Carey 提議道。

雖然心有不甘，但這也不失為，一個比較安全的做法。

因為單憑我們四人之力，要安全突圍簡直是天方夜譚。

「唔得！我唔會返轉頭！」想不到泫雅卻十分堅持，「你地要返去就自己返去，唔好阻住我！」



話畢，她已經身先士卒往山下走去。

這令我有點進退兩難...

只怕自己的錯誤決定，會令她們三人陷入萬劫不復之地。

「Vicky，妳覺得點？」我實在無法拿定主意。

「嗯... 都嚟到呢度囉，而家返轉頭，都唔見得一定安全...」看來，她已經有所決定...

「Carey，妳...」我打算轉向 Carey 問道。

「得！唔洗講...」Carey 並沒有理會我，逕自往泫雅走的方向前去。

「睇嚟，你應該做咗啲對佢哋唔住嘅嘢喎～」Vicky 疑惑地問道。



「我諗佢哋只係妒忌啫...」我裝作若無其事地答道，「最多，我喺佢哋面前唔曬恩愛喇！」

Vicky 被我弄得說不出話來。

「行啦！離曬隊喇！」她沒有再與我糾纏，反而選擇催促我繼續前行。

我和 Vicky 加快腳步，很快便跟泫雅她們會合。

我們選擇了西沙茶座旁邊，一所露天餐廳附近返回地面，以便我們必要時能作出掩護。

我們小心翼翼的走到樹叢邊沿，以觀察合適的時機。

可是，眼前的敵人實在太多。只要稍一不慎，我們便成為了它們的點心。



「泫雅，不如妳話我知，個目的地喺邊？」我向泫雅問道，「大家知道去邊，就算唔小心走失咗，都可以自己過去...」

「唔得！我唔可以話你知！」豈料泫雅一口拒絕，「Dickson 講過，一定唔可以講！」

「又係 Dickson...」我竭力壓低憤怒和聲浪，「Okay，就算妳唔想講我哋嘅目的，妳都可以透露吓，我哋嘅第一站應該去邊度先㗎...」

「吖...」泫雅看來想不出答案。

「我諗... 不如去烏溪沙站睇吓先？」Vicky 提議道。

「都係嘅，成街都係喪屍，上面可能冇咁多敵人...」我和議道，「同埋沿住鐵路，我哋可以一直行到馬鞍山...」

「應該... 都近目的地啲囉呵？」我貼近泫雅問道。

「你鍾意點就點啦！」泫雅無奈地答道，「不過... 我哋出倒去先算啦！」



她說得不錯，眼前先要面對最大難關。

在我們前頭，有十多頭的喪屍，正漫無目的地四處徘徊。

「妳哋... 喺度等一等我...」我決定先前去視察一下環境。

我拿著一柄鐵枝，戰戰兢兢的往前方走去。

我成功走到餐廳外面，然後躲藏在一雜物後。

可是，面前的喪屍實在太多，我根本就無法再進一步。

「點呀？係咪需要有人引開佢哋呢？」我正苦思對策，卻冷不防 Vicky 突然在我身旁出現...