「嗰個人一出嚟就做咗焦點,班喪屍好似發咗癲咁衝過去...」巧兒說道。

「不過,阿賢睇住佢好似李小龍上身咁,一個打低十幾個...」巧兒說得好像有點誇張,「一陣就已經打走曬啲怪物...」

就她所形容,我更加肯定那人就是 Keith。

「咁妳記唔記得,阿賢喺邊日見倒嗰個人?」我立刻提問。

「吖...」巧兒回想著,「大概四、五日前啦~」



那樣,好像跟 Keith 的失蹤時間吻合。

「做乜呀,你識得嗰個人?」巧兒好奇地問道,「做乜係咁追住問?」

「吖... 冇,佢可能係我個朋友啫...」我只好淡然回應。

「哦?係呀?咁你係咪想搵返佢?」她問道。

「咁又冇乜所謂... 見倒咪見囉~」我不想讓他們知道我十分在意。



「咁好啦!我諗你哋都要休息吓...」巧兒答道,「聽日再睇吓阿賢個情況點,先再講啦!」

「Okay... 咁聽日見...」說罷,我便離開並返回二樓。

回到這裡,我便忙於關顧那,經歷過災劫般的二人。

「妳哋冇嘢吖嘛?」我詢問二人的情況。

「哼!你唔好再遲啲!」泫雅的心情十分激動,「等我哋死曬先啦!」



我明白泫雅為何如此激動,所以也沒有把她的話放在心上。

「頭先我都係迫不得已...」我努力解釋,「佢有方法幫我哋安全咁去到目的地,所以...」

「所以你就咁樣放過佢?」泫雅怒吼道,「而家佢... 佢咁樣對我喎~」

說著,她的眼淚已經忍不住奪眶而出。

「佢頭先... 都傷得好緊要...」Carey 忍不住插口道。

「妳... 比我睇吓...」我趨前關心道。

「你走開呀!喺度貓哭老鼠!」可泫雅卻沒有領情。

我深感不是味兒,但又不甘就此放棄。



「妳都係比我...」我打算先把她的短褲褪開。

「啪!」豈料她狠狠的賞了我一巴,「走開呀!賤人!」

我忍住那些許的痛楚...

因為相對她所承受的,跟本是微不足道。

所以,我還是在替她想辦法。

有了!

我毅然離開二樓,跑到上面的樓層。



「咯咯咯...」我再次返回剛才的主人房,輕輕的敲起門來。

裡面的人卻好像沒有回應。

「碰碰碰...」我用稍大的力氣,再拍起房門來。

「嚟...」裡面終於傳來巧兒的應門聲。

房門打開,竟發現衣衫有點不整的巧兒。

她,剛才是不是在做什麼?

巧兒都好像注意到我的目光,立刻整理好自己的衣衫。

但她這樣做,只令我更加留意。



「你搵我?」她刻意令我的注意力重新改變。

「哦... 係、係...」我尷尬地回應,「我想妳落去,幫幫我朋友...」

「哦、哦~」巧兒細想了一下後,好像已經知道我所為何事。

「等我攞少少嘢先~」說罷,她便回頭找尋,然後拿著一些醫療用品出來。

「我諗我大概知係咩事...」她提起藥箱向我示意,「我... 有冇估錯?」

「嗯...」我並沒有對她的正確估算,作出太大的反應。

因為我覺得,泫雅的感受,巧兒也應當十分清楚。



於是我帶著她走到泫雅的房間,看到 Carey 仍然在陪伴著她。

「你又嚟做咩呀?走呀!」豈料,泫雅看到我便是一輪破口大罵。

「我真係想幫妳...」我像哀求般希望她接受。

「唔要呀!走呀!」但泫雅好像毫不領情。

「阿 Roy,等我嚟...」巧兒輕按著我的手,便趨前往床邊走去。

感到不是味兒的我,只好轉身離開...
已有 0 人追稿