[突發][唔係蛋黃哥]大撚鑊_我一起身發現變左做粒蛋黃: （四）
「阿祥條仆街仔，又去成廿分鐘都未返！」由於完全沒有客人，我只好玩手機打發時間。
正當我專注於高登裏的J圖，忽然聽到街上傳來一些步促的腳步聲！
那種腳步聲的頻率異常的高，感覺只有在原不斷用雙腳踏地，才能制造出如此頻密的聲音！
我嚇了一跳，以為外面發生了甚麼事！
要知道這裏可是深水埗，賊、古惑仔等等，無奇不有！
於是我走了出店外，想了解一下發生甚麼事情！
然後，我總算發現那些腳步聲的來源，就在一旁的大街上，我看見了，有一隻白色，橢圓形的雞蛋！底部露出雙腳，不斷的向前跑著！
我回憶起阿強的說話，總算明白雞蛋跑步是甚麼一回事！
這情況下，換作是你們，會有甚麼反應呢？
讓我來告訴你最真實的反應，就是甚麼行動也沒有！
當時的我，只能呆呆的看著那隻雞蛋，用它那短小的雙腳，在不斷跑著。
但大家可以想像得到，一隻正常大小的雞蛋，即使長出了雙腳在狂奔著，亦不會走得多遠！
所以，它雖然很努力的跑著，只見它移動的距離還是很少！
而突然，我聽到另一種腳步聲，正逐漸逼近那隻雞蛋！
只見一個擁有倒十字的黑色公事包，長出了四雙腳，像野狗一樣，撲向那隻雞蛋，把它「吞」了進袋內！
我聽到那公事包裏，發出淒厲的慘叫聲！
一齊都停止了，所有聲音都消失了，寂靜得讓人感到有點害怕！
然後，我看見黑暗中，有一個男人慢慢的走到公事包前，拿起了它！
而此刻，那公事包的四條腿已經不見了，變回了很普通的公事包！
我感覺到那男人朝我笑了一下，然後消失在我眼前！
那一刻，我終於感到恐懼，馬上跑了進便利店的員工室裏！
「南無阿彌陀佛！南無阿彌陀佛！我黎打工架Ja，唔好搞我呀大佬！」我躲在裏面，身體捲作一團，不敢亂動！
「咦？小明，你係邊呀？仆街，唔係被人打劫死撚左呀？」便利店外傳來阿祥的聲音，我立刻打開員工室門，看見真的是他後，身體的顫抖才停了下來！
「屌你，原來匿左入員工室！搞咩呀你？匿埋打飛機呀？」阿祥說。
我真的有衝動上前抱著阿祥，但……跟他說大慨也不會相信我吧！
而且現實情況是，根本沒有調更的空間，與其讓他當我是瘋子，倒不如裝作沒有任何事情發生，這才是最好的選擇吧！
「屌……屌你啦！你……你又走去叫……叫雞呀？」雖然我極力保持鎮定，但還是忍不住顫抖起來。
「痴線，無啦啦叫咩雞呀！你無野呀？成個人震晒咁？」阿祥說。
「痴……痴線，有咩野呀！我……我嬲得滯，嬲到震Ja嘛！去左半粒鐘先返！」我說。
「屌！兩兄弟講呢D！下次你有需要咪出聲囉，俾返半個鐘你去爽下啦！」阿祥淫笑。
「爽你個頭！睇鋪啦！我去放水！」我不斷告訴自己剛才的只是幻覺，總算平靜下來。
「放水？駛唔駛半個鐘先？呢個鐘數無咩野食架啦，搵日放假我帶你去食好野啦！」阿祥繼續淫笑。
我沒有回答他，只以中指回應他的說話。
「唉，屌你，呢兩日搞乜鬼，成日有幻覺！再係咁落去真係要轉工先得！晚晚夜更都唔係辨法！」我心想。
來到附近的一個公廁，解決完我的生理需要後，洗好手後便打算離去。
但就在我洗好手後，整個公廁的燈光都一下子關掉了！
「哇！屌你，搞乜撚停電呀？」我呆了一下，立刻打算離開這個公廁。
但我發現，在抽氣扇的位置，我隱約看到一隻白色的物體，是雞蛋！
我感到它在看著我，但它明明是沒有眼睛的！
「你……走……變……一樣……」我感到它好像在說一些甚麼，明明每一隻字我也認識，但組合起來我卻完全不明白它想表達些甚麼。
突然，那隻雞蛋，像被甚麼吸走了似的，電燈亦回復正常！
我沒有細想，馬上跑到公廁外，察看那抽氣扇的位置！
沒有，甚麼都沒有！
我本以為那隻雞蛋向後墮之後，會跌在地上破掉！
但……我找不到破碎的雞蛋！
沒有蛋黃，沒有蛋白，也沒有蛋殼！
沒有，全部都沒有！
「痴線！肯定係我睇錯野，無啦啦點會有隻雞蛋係公廁出現，仲要識講野！唔好諗！唔好諗，返去搵阿祥！無事嘅！」我愈想愈感到奇怪，馬上跑回便利店。
我跑到便利店，只見阿祥手上拿著一隻白色的東西，正準備吞噬它！
「停手呀，阿祥！」我不知道為甚麼要阻止阿祥。
「哇，小明，搞咩呀你！成頭大汗嘅，你係咪唔舒服呀？」阿祥說。
「我……我無野，你係度做咩呀？」我用手指著他手上的白色物體。
「做咩？肚餓咪食野囉，呢隻係我老母係日本拎返黎嘅溫泉蛋黎，我仲有幾隻，你食唔食？」只見阿祥拿出一個膠盒，盒內盛載著那些溫泉蛋。
「吓，唔……唔駛啦！你慢慢食啦！」我說，腦內全是剛剛那隻雞蛋。
「超，由得你，古古怪怪咁！哇，正，溫泉蛋個蛋黃真心正！」阿祥邊說邊把整隻白色雞蛋吞下肚，我好像聽見那些雞蛋正在向我求救一樣！
就這樣，我又渡過了這詭異的一天！
「阿堅，接班啦？快手D啦！」我說，我只想早一秒回家休息，忘記晚上的奇怪事。
只見阿堅看著我，沒有說些甚麼，便去換衣服了。
「奇奇怪怪！快D啦！趕住走呀！」我說。
阿堅換好衫後，靜靜的看著我，使我感到渾身不舒服。
「換完又唔出聲！唉，廢撚事理你，走啦，D貨執好晒，你自己搞啦！」我走了進員工室，換過便服後，便離開這間便利店。
直到我離開的一剎那，他也沒有跟我說一句話！
「屌，條撚樣愈黎愈寸，今日連野都唔講一句，正仆街！唉，可能都係時候搵工轉！」我回到家中，品嚐著我精心炮製的合味道杯麵，然後在高登吹水台準備開Post！
「如何俾人無視而不失霸氣！唉，屌你，又彈App！咦？咩黎架，［突發］［神秘失踪］［真人真事］消失的友人，新故黎架？」我被標題吸引了住，於是打開來看。
「是咁的，尋晚同個朋友食飯，食完飯佢就返左屋企！咁我醒起佢原來無夾錢俾我，果度大嗱嗱廿三蚊，無理由唔搵佢拎返者！咁咪借D意打俾佢搵佢食飯，等佢請我食返餐！點知一打，再打，三打！全部無人聽！我到依家都未搵到佢！可以點做？我果廿三蚊點算？」心層次留言。
「廿三蚊你都要，無撚用架你，死左去算啦！」雞全部都係雞留言。
「圖定老母？」逃定老舞留言。
「我成日食飯唔俾錢都失蹤三五七日架啦！咁都叫神秘失踪？負皮加膠一打，唔駛找！」派膠專員留言。
接下來也是一堆派膠負皮的留言，完全沒有討論過任何事情。
直到某一個留言開始，才開始有些正經的討論。
「喂，唔係喎！我都有個朋友，又係深水埗果邊失踪左幾日喎！屌你，唔係咁得人驚呀！」流言留言。
「認真！我有個朋友，前日同我地食完飯之後，返左佢係深水埗租嘅劏房，呢兩日都搵唔到佢！佢屋企人仲打曬俾我地問知唔知佢去左邊，依家仲報埋警添！PS.樓主朋友係男定女？」我的志願住劏房留言。
「我都有朋友係咁喎，佢地係咪入晒西貢結界？」日丁夜丁留言。
「樓上D人都戇鳩嘅！西貢結界？講緊深水埗喎！我想講，零分重作！真係有咁多人失踪仲唔上晒報紙咩，咪癲啦你班戇鳩！」王馬門留言。
我看到這個熟悉的名字，頓時清醒過來！
「王馬門？咪我個經紀！咪住先，無理由會用真名上高登架喎！再睇下先！」我心想。
再繼續看之後的留言，發現為數不少的巴打，都說他們有朋友失踪了！
而最奇怪的，就是只有王馬門一人，在不斷為事件降溫！
而且，樓主更在討論中途突然消失了，沒有再出現在討論中！
「哇，屌你呀！奇幻過奇幻潮！樓主中途消失左，果個咩王馬門就係咁降溫！屌，咁似D五毛打手，正仆街！咁嘅Post都去到1001，真係痴撚線！」我看完整個Post後，只感到愈來愈心寒，看來深水埗真的有甚麼在發生！
「唉！屌！不過都唔關我事，係得深水埗我先租得起！如果唔係真係要訓街！不過果個王馬門唔知係咪我果個經紀呢？不過睇佢起勢咁降溫，真係佢都唔出奇，話晒佢都係深水埗做地產，真係俾人唱衰深水埗，佢真係賴屎都搞唔掂！唉，唔理啦，都係快D訓，今晚仲要開工！」我關好電話後，便沉沉睡去了。