[突發][唔係蛋黃哥]大撚鑊_我一起身發現變左做粒蛋黃: （二十八）
就在我們猶豫之際，我們從運輸帶的出口，看見了一個奇怪的身影正慢慢飛進來！
那東西頭上長有奇怪的角，耳朵長長尖尖的，額頭上刻有一個血紅色的六芒星！
這頭怪物的背上，長著一雙奇怪的黑色翅膀！
「于……于強，呢隻……乜鬼野黎？」我顫抖地問。
「我……我都唔知！」于強也在顫抖著。
然後，那頭怪物好像發現了我們，慢慢的飛向我們！
「瑪門大人果然無估計錯，果然又有人諗住逃走！好在大人英明，改左呢度嘅結構，仲派我黎鎮守呢度！哈哈哈，你地走唔甩啦！」
這白痴兼老土的台詞，使我和于強一下子冷靜下來！
看來眼前這怪物外表雖然可怕，但智商應該不太高才對！
「于強！佢咁白痴，我地應該有機會走甩喎！」我輕聲說。
「佢雖然白痴，但我地依家咩都無，真係好難走甩喎！」
只見那頭怪物愈飛愈近，難道我們就這樣死左這裏？
不，不會的！
「喂！你停低！」我對著那頭怪物大叫！
他明顯被我嚇了一跳，真的停了下來！
看來他的智商比我想像中還要低！
「你……你係咩人？夠膽叫我停低！」那怪物怒吼著，卻沒有繼續前進。
「于強，你拎張黑色卡紙出黎！呢隻野弱智到爆，我地就扮係瑪門嘅手下，試下呃唔呃到佢！」我偷偷的說。
「得唔得架？」于強有點猶豫！
「唔得都要得架啦！依家呢個狀態，點都係死路一條，搏一搏啦！」我催促他，眼睛則盯著那頭魔鬼不放！
「喂！你兩個究竟係咩人？係度講D咩？我係瑪門大人嘅得力助手，將D唔聽話嘅靈魂送返去！你地睇黎都係走甩左嘅靈魂，等我送你地走啦！」
看來那頭魔鬼也察覺到有點奇怪，慢慢向我們飛來！
「大膽！我地係瑪門派黎追踪D逃走嘅靈魂嘅！」我大聲對他呼喝！
「哼！你兩個成隻雞蛋咁，點追踪呀！唔好扮晒野啦！」他加快速度向我們飛來，就在離我們一米前，于強把那張黑色卡紙拿了出來！
「停低！你係咪想阻礙我地做野！」于強硬著頭說！
「呢……呢個係瑪門大人嘅『魔鬼之羽』？」他看來頗為驚訝！
我和于強偷偷互看了一眼，都想著這大慨是屬於瑪門的，而且亦頗為重要！
「哼！你知道就好啦！」我保持著聲量，思考著究竟應該對他說甚麼！
「無理由架！明明瑪門大人係叫我守住呢度架？點會又叫其他人黎追踪D逃走嘅靈魂架？唔通…...」
他看起來有點不安，該不會……賭一把吧！
「哼！瑪門大人就係驚你唔可靠，叫我地黎追踪D靈魂！估唔到你真係俾佢地走甩左！」我用稍為憤怒的語氣對他說。
「吓？幾……幾時有走甩呀？你唔好亂講呀！我知啦，你地想呃我，我唔會信你地！」他口上雖然這麼說，但絲毫不敢行動，看來他也在猶豫著！
「哼！你俾D靈魂走甩左都算！仲夠敢係度浪費我地時間！你係咪想死！」于強高舉惡魔之羽，對那頭魔鬼嚴厲地說。
「唔好呀！求下你地唔好呀！我發誓我真係無俾佢地走甩架！自從上次有靈魂走甩左，我就一直守住係度，一路以黎都係得D爛雞蛋經過，我無偷懶架，求下你地唔好殺我呀！」
這頭魔鬼果然是實實在在的白痴，看來有機可乘了！
「哼！咁你仲係度阻頭阻勢做咩，佢地就黎逃走成功啦！走開，唔好擋路！」于強拉著我向前走。
「係係係係！唔知我仲有D咩要做呢，哈哈！」他一改開初的態度，現在像個白痴一樣對著我們。
「你？你同我守住呢度，睇清楚仲有D咩跌落黎！如果再有可疑嘅野或者俾人走甩左，你就唔駛旨意瑪門大人會放過你！」我說。
「係，我會好好留守係度，兩位大人慢行！」他做出一個敬禮的姿勢，想不到魔鬼還挺白痴的！
「快D走！希望可以襯佢未發現之前離開呢個地方！」我小聲說。
「但係我地應該去邊個出口呀？」于強和我邊走邊說。
「就呢條運輸帶啦，頭先隻野都係呢度飛出黎！佢又話係守住唔俾D靈魂走，係呢條路無錯架啦！」我趕緊加快腳步離開。
就在我們快要走到出口時，那頭魔鬼忽然對我們說。
「兩位大人，唔係呢個出口呀！呢個出口只會去到封閉空間，另一邊先係靈魂逃走嘅通道黎！」
我和于強猛然停下，思考著他的說話和應如何回應！
「我地兩個梗係知啦！我地係想測試下你專唔專心看守，估唔到你真係偷偷地四圍望，睇黎你都係想死多架啦！」我大聲呼喝他。
「呀，唔係，我係咁岩望到者！對唔住大人，我馬上專心留意有無準備逃走嘅人！」他抬起望向天上，注視著有沒有任何東西掉下來。
而我和于強則小聲的討論著。
「喂，點算呀？中間咁鬼闊，我地點過去呀？」于強問。
「睇下有無地方可以爬過去？你會唔會收埋左D繩之類嘅野係身呀？」我問。
「痴線，無啦啦邊度變條繩出黎！快D啦，隻野蠢者，但遲早都會發現我地係度唔知做咩！」于強問。
正當我倆在討論的時候，那頭魔鬼正慢慢的飛向我們，但我們絲毫沒有發現他正接近我們。
然後，他突然降落在我們面前，低頭看著我們。
我和于強心想：「金翅玩撚猿！」
我們呆呆的看著他，靜待死亡的到來！
「兩位大人駛唔駛我幫手？」他說。
我和于強面面相覷，還沒有弄明白現在的甚麼情況！
然後一起再次望向那頭魔鬼！
「我……我唔係特登偷懶唔監視架！只係突然間醒起兩位用呢個形態，可能過橋會無咁方便，所以先飛過黎問下兩位Ja！同埋，如果兩位大人捉返逃走嘅靈魂，可唔可以唔好同瑪門大人講，係我看守失職呀？」他看起來是害怕我們會向瑪門告狀吧！
我輕輕拍了拍于強，示意讓我來處理。
「哼！你當瑪門大人傻架？佢會唔知有靈魂逃走左咩？」我大聲呼喝他。
「呀……又……又係喎！」他臉上露上不安的表情。
「哼！不過，見你都算有D自覺，知道可以好好幫我地！雖然我地回復原本面貌，係好易飛去另一座橋！但陣間追踪靈魂嘅時候就會麻煩D！好啦，既然你都咁有自覺，就送我地過去，等我地見到瑪門大人，會幫你求情架啦！」我說。
他臉上露出笑容，然後轉頭望向于強，看來是想取得他的答允吧！
「哼！好啦，都唔係咩咁大件事，即管幫你同瑪門大人求情啦！咁你依家馬上帶我地過橋！之後緊守崗位，唔好再俾任何靈魂走甩啦！」
「多謝兩位大人！咁我帶你地過去啦！唔該晒兩位大人！」
他輕輕撥了撥他的翅膀，讓我和于強坐在他的背上，輕鬆的把我們帶到另一條運輸帶上！
我們安然著陸後，也不忘對他作出嘉許！
然後，便進入了這個出口，希望接下來，能回到原本的地方吧！