隔幾天的晚上情緒再一次驅使我做出不智的行為────質問。
                             
我用 whatsapp 去問她,我太想她解答我心中的疑問,已經不管用什麼方法,都想得到一個答案。
                           
「其實你之前話由朋友開始係假  你從頭到尾都避緊我」我沒有心機再轉彎抹角,一下就直接問她。
                             
她上了線,已讀了又再下了線。
                             
見住這個情況,我按捺不住立即再傳多一句:「我問緊你呀」
                             


過了五分鐘,她終於回應:「你想我點答你?」
                           
「即係我講岩左啦」
                           
「照事實咁講」她覆我一句,我就秒回兩句。
                           
「同學同朋友中間」又過了五分鐘她才答。
                           
「我係問緊點解要避」
                           


「我無避你」
                           
「有  唔只一次」
                             
行年宵那晚的畫面再次在我腦海浮現。
                           
「只係唔想應機啫」
                           
「唔係講緊應唔應  係講緊平日  現實」
                           


「我無呀」五分鐘是她現在回應的規律。
                           
「我唔知仲應唔應該信你  就好似你當初話對自己無信心  到頭來原來都係一堆藉口」
                           
「咁你當係藉口」
                           
「又係依句  真係唔知你個時可以點作到 d 咁既藉口」
                           
 看似我是強詞奪理,但基於我一路以來所經歷的,會懷疑她當初所說的也理所當然。不過我的確有點不講理的硬把博言在花市說的''不久前的男朋友''代入了我對她表白的那段時期。
                           
「明明個時自己已經有 bf 都仲要作個藉口」
                           
「好玩?」我問。
                           
「你依家係咪撩交嗌啫......邊到走個 bf 出黎?做咩要發我脾氣,你都覺得係我錯,仲有咩好講?」


                           
「你個時係有 bf 係言佢地親口同我講」
                           
「你知道點解我咁 care 依個問題架  只係我一直無問  當無事咁」
                           
「佢地講你信,我可以講咩?」
                           
「連麗琪都話有...」
                           
 麗琪曾跟我提過她的事。
                           
「佢地話你散左  咁即係曾經有啦」
                           
「我從來都無話過我無。散左係 n 耐之前既事,你覺得我呃你多藉口既, 咁sorry ,我錯。你中意既 block 左我,我唔介意」
                           


「一直以黎失望左咁多次我都忍 我諗今次係最後一次啦... 」
                           
「感激你贈我這一個故事」我想用一句歌詞來為我們的關係作總結。
                           
「我都好多謝你令我改變更多」
                           
「同埋對唔住,無心發你脾氣...」
                             
見到她的對唔住,我翻滾的內心才得以平息,但很快的情緒又奪回了主權,心想著其實我並沒有錯,錯在她諸多藉口給了我假希望。
                             
每一次想要離開她時,都是百般滋味在心頭,恨這段關係不能昇華,恨她的似是而非,恨自己不沒有方法得到她,但離開了她猶如離開痛苦,滿腦猜疑是痛苦的,殘酷的真相也是令人痛得入骨。
                             
老實說,盡管我每次說得多決絕,我都知道我自己離不開她,我很快又會受不了心癮找回她,但欺騙自己所得到的短暫釋懷,其止痛效用足以令我又再次帶著殘缺的心去繼續與她周旋。
                           
這段關係的失敗,令我只想開始另一段新的關係,洽巧我跟認識不久的鍾沛澄的距離最近可謂大躍進。交換了大家的自拍照不在話下,近幾天她的說話也多少夾雜了曖昧,比如某次她說她只會在我面前撒嬌,還有次她說有個變態佬在 instamassage 騷擾她,明明她已經不理會也每天的噓寒問暖,最後由我向那個騷擾狂傳訊才得以停止,最諷刺的是其實我當初認識她時也是做著差不多的事。


                             
幾天前我們聊著聊著,就說到了約出來見面,跟網友約出街我是沒有試過,也怕她見到我真人會覺得不及她想象中好,會破壞了現在我覺得不錯的關係,最重要是,現在我不想再失去多一個異性朋友,無奈她經常提出約會,我也再沒辦法拒絕。
                             
所以,在失去鄧泳芝的這個晚上,我找了子剛。

                         


「剛,我最近識左個女仔,過幾日就出黎,點溝佢?教我...」