呢一位女神唔係話好靚,但係卻好吸引我,每次跑步一見到佢,佢臉上面既笑容,佢與我擦身而過,都足夠令我回味成日。

佢有一對好引人注目既眼睛,眼大大,鳳眼咁,好似向住每個人發放緊一個我見猶憐既消息咁。

佢身形都好健美,應該係有做開運動既人,每次佢跑步都係綁住條馬尾,有時我都會特登跟住佢後面跑,佢身上有一股好獨特既氣味,只要係佢身後面跑就會聞到。

其實我對呢個女仔開初都無抱咁大期望,因為我只係每人跑步撞到佢,又唔敢問佢拎電話,所以認識佢既機會都好渺茫。

但估唔到既係有一次機會……唔係,應該講係上天比我既奇跡,我竟然可以同我呢位女神講野,以及成功咁拎到電話。



點解會拎到,咁就要多謝我一位朋友上網買鞋拿。

仲未講我女神叫咩名添,佢個名叫阿琪,係未好好聽呢。