當去到交收地點,阿珍電話又響起,「喂……到左拿我……咩話,妳要遲多少少,因為唔識路?好啊無問題啊。」

「咁搞笑既,地點佢又話OK,但可以唔識路都有既。」我話。

「咁人地係女仔黎架嘛。」阿珍答返我。

「咁女仔就可以唔識路架拿?」我反問返佢。

「未係囉。」阿塔佢附和我。



阿珍聽到後就話:「你地都無紳士風度既。」

而就係我地係度吵吵鬧鬧果陣,我見到人群之中有一個女仔,好熟口面,再望真D,原來係我果位女神。

我當堂成個人唔自在,我再望一望佢,佢四圍望好似搵緊人咁。就係突然間,我同佢對到眼,而佢仲向我呢方向揮手。

「阿琪,我地係呢度啊。」阿珍話。

就係咁,我就知道佢叫做阿琪。