[愛情無限loop] 就係咁，我做左女神一年既備胎: １５　老牛大人

返到屋企，我個咀都係合唔埋，我睇一睇個鐘，原來都成一點幾，沖左個涼，吹口個頭，係鏡前面望住仲笑緊既自己，原來，開心唔駛自己刻意去笑，都會自動自覺咁展示出笑容。

但係，突然……

「咁夜仲唔訓……」一個阿伯樣突然間係鏡度閃左出黎，我嚇左一跳，「阿爸，你咁夜仲唔訓？」

咁多位，呢個就係我阿牛既阿爸，老牛大人。

「你未一樣。」佢答完我之後，就望到我實一實。



「咁夜唔訓仲係度嚇人。」我話。

「有嚇到咩？嚇到傻左啊？嚇到你仲笑笑口咁。」佢笑住咁話我。

「你未理我啦，早Ｄ去訓啦。」我講完之後繼續吹頭。

「未咁嘈啊，你娘親佢訓左架拿。」佢慢慢咁行返入房，「下次同女仔出夜街，開門返黎細聲Ｄ嘛。」

我聽到佢咁講後，笑左笑，老牛佢就係咁，永遠覺得佢阿仔我一出夜街一定係同女仔去。



吹好頭，我就返房，訓係張床上面，諗住聽日會發生Ｄ咩事呢？校左鬧鐘既我特登起左幾次身ＣＨＥＣＫ下鬧鐘係未真係校好。

閉上眼，見到既畫面係阿琪既微笑，每次跑步，我都只可以係佢後面跟住，而聽日，我終於可以用佢並排跑步。