我係公園入面坐住等阿塔同阿珍跑完步,而同事,我就同阿琪講話阿塔同阿珍都想入GROUP,而佢就同GROUP 入面D ADMIN 講左,好快就加埋佢地兩個入去。

佢地兩個跑完返黎後,阿塔第一時間就問我:「點啊?ADD左我入去拿?」

我聽到佢咁問後,點一點頭,但係唔知點解總覺得呢個GROUP會影響到佢地兩個既關係。

而阿珍都開左個GROUP黎睇:「嘩!有咁多人既!」

「係啊,都有成90幾個人。」我答。



「咁你頭先話跑左,係未同阿琪跑呢?」阿珍用一個不懷好意既眼神問我。

「點解無啦啦妳又會咁問呢?」我問佢。

「女人既直角。」阿珍笑住咁話。

唔知點解,由頭先一開始,阿塔就不停咁玩緊部手機,佢平時都唔會咁,而當阿珍見到佢咁,就伸左個頭去望一望。

但今次阿塔既反應同平時唔同,平時佢會好大方咁比阿珍望部電話,但今次,佢無,佢避開仲話:「睇人電話咁衰既妳。」



「咩WO。」阿珍開始同佢打鬧。

唔知點解,見到阿塔咁既反應,我覺係因為阿琪,希望我呢個諗法係錯架啦。

跑完步,拉埋佢地兩個入GROUP,同佢地兩個食完野散水後,我就返家,而一返到家,我就收到阿琪既MSG。

阿琪:你同阿塔熟唔熟架?
我:都OK,點解無啦啦咁問?
阿琪:無啊,見佢無啦啦SD左MSG比我問野
我:下!?問咩?


阿琪:問我幾時去跑步WO

見到阿琪既MSG,我心知不妙,但估唔到事後會發展到……而呢D已經係以後既事……