我地幾個都等左呂晨好一陣……都有成十分鐘,JUDY好似有D唔奈煩,就話:「仲咩要我地幾個係度等咁耐。」

阿富見到JUDY咁,就係度安撫佢話:「可能佢去廁所呢,女仔去廁所都要D時間既。」

「我都係女仔,我知道啊。」JUDY好直接咁反駁返阿富,「但係都應該話一話比我地知佢走左去做咩,同埋佢頭先係話去睇係D野可以放邊度,呢度係佢自己住既,駛鬼咁做啊。」

「咁……」阿富臉有難色咁話:「可能佢執緊位比我地呢。」

講到呢到,呂晨終於返黎,「你地可以將D野放入廚房先,跟我黎。」



如是者我地將D野放晒係廚房後就出返黎,呂晨帶左我地去花園度,「聽日我地就係度燒野食。」

呢個花園幾靚,石板地,旁邊有D花槽種左花,地方其實都算適中,起馬可以裝得落我地聽日燒野食既人有餘。

「WELL~呢度真係靚,就好似呂晨小姐妳咁靚。」艾倫既低級哄女功又出動,但係唔知點解,今次呂晨不為所動。

艾倫見到呂晨無反應,就不停咁四處張望睇下仲有無法寶,佢見到花槽D花,正想走去摘比呂晨之際,就比呂晨喝住左:「唔好郁D花啊!」

全場人呢個時候都望實艾倫。



「D花係爸爸種,唔好郁佢。」呂晨講完後,艾倫唔好意思咁企左係度。

現場又尷尬起黎……

「喂,有無野飲下啊,好口渴啊,過門都係客,妳比D野黎飲下都好WO。」咁直接既說話竟緊係JUDY講架啦。

我望一望JUDY,當佢同我對到眼神果陣,我比左個LIKE佢,「做得好。」

但點知佢話:「屌你啦,我真係口渴要飲水啊。」



哈……原來係咁。

飲完野我地都只係吹左陣水後就散BAND,而當走既時候,呂晨話送我地走,但當佢行到門果陣,扭一扭個門,發現唔知點解度門反鎖左,佢好驚咁話:「死啦,點算啊,反鎖左啊。」

佢既驚恐引來我地幾個行左過去幫手。

「反鎖左姐,唔怕,等我大大力咁開左佢未得囉。」東尼座好左個馬正準備開門之際,呂晨就喝停左佢:「唔好以!咁樣未整壞度門!」

「屌!反鎖左妳未用鎖匙開返未得囉,呢度妳住既妳又唔係無鎖匙。」JUDY話。

佢又好有道理WO。

「……又……又係既。」呂晨一臉難言之隱咁,「……咁我去拎啦。」

就係佢去拎果陣,阿琪就同我講:「你覺唔覺呂晨有少少怪?」



我點左點頭,而JUDY都行左過黎話:「我都覺有,好似呢度唔係佢住咁。」

「係囉。」阿琪點左點頭話。

而我比較在意既,唔係佢地既對話,而係望到我地對話,一臉不是味兒既阿富。