[愛情無限loop] 就係咁，我做左女神一年既備胎: ６１　主戰場

同大圍會合左之後，我就等緊呂晨黎，但係等左半個鐘都未見人影。

「頂！咁耐都未黎佢搞咩架！」等到有Ｄ唔耐煩既ＪＵＤＹ係度抱怨。

而剛到既金姐行左過黎同我打招呼：「早晨。」佢望一望我然後再望一望企左另一邊既阿琪同阿富，然後話：「都講左小心某人架啦。」

ＪＵＤＹ好似意會到金姐講緊阿富，所以加左把咀埋黎：「我都有同佢講架，佢自己ＯＮ９唔信姐。」

「咁……阿富有女朋友啦，唔會既。」雖然我咁講，但我心中都有少少懷疑佢。



「牛仔你真係好天真好傻。」金姐笑住同我講，然後我望向阿琪到，見到佢不停咁向住我發求救既信號。

但係，今次點救佢好呢……

「阿琪，過黎呢邊啦。」係我諗緊野之際，金姐已經作出左行動，我見到阿琪聽到金姐叫佢之後，好開心咁衝過黎，而金姐仲同我講：「幫左你既女神解圍拿。」

我傻笑望住金姐。

阿琪一行到埋黎，金姐就問：「點啊，脫苦海未啊？」



阿琪笑住咁點頭。

而阿富，就係另一邊望過黎，但又唔敢行埋黎。

就係呢個時候，呂晨終於黎。

「唔好意思啊～遲左～」呂晨話。

「唔緊要！」本身等到好苦悶既東尼，見到呂晨一到就成個精神晒。



而艾倫就……「ＷＥＬＬ～美女遲到是常識吧～我地做男人既，等女人就係我地天生既職務。」嘩……呢Ｄ野我諗只有佢先可以講出去。

呂晨聽到後笑得好甜，好受落咁，之後佢就走左過黎，「牛牛～」佢每次咁見我都覺得好似比死神呼喚咁。

我不自覺咁行左去金姐後面，而金姐都好醒目咁話：「呂晨，不如我地去左妳度先，我地仲要準備燒野食Ｄ野。」

「係囉，發少陣姣當幫忙好唔好。」ＪＵＤＹ附和。

但呂晨直接無視ＪＵＤＹ，「好啊，咁而家就起程啦。」

就係咁，我地一行十幾個人就移去主戰場……