我捉住呂晨隻手慢慢步向廁所果度,而JUDY就跟係我地兩個後面,「加油!努力!」佢呢D應該就係叫做吶喊助威。

愈近廁所,我地就聽到一男一女係度運動緊既聲音傳出黎,有D人經過到暗暗嘴係度笑又或者為之則目,而呂晨,就好似開始有少少抗拒行埋去,因竹我感覺到佢D反作用力,想甩開我隻手。

我係呢個時候話,「避左今次,妳仲想避幾多次?」

呂晨無答我,但係佢無再反抗我。

行到廁所門一打開,我地聽到某廁格傳出一D聲音,男女既喘氣聲加上呻吟聲。



「好似……有人入左……黎啊……」把女聲一路喘氣一路講。

「唔好理啦……佢識做架拿……」個男人答。

呂晨一聽到把聲,就掩實自己個口,因為佢唔想比廁格入面既人聽到仍既喊聲。

係佢地咁激烈既運動下,我用眼神問呂晨入面果個係未佢男朋友,呂晨點左點頭,係好痛苦咁點左點頭。

我拎左個冰桶去洗手盆到沖水,而呂晨就拉一拉我隻手好細聲咁問:「做咩?」



我無理佢,只係不停咁望住水位不停係冰桶入面上升,好心急等緊水滿,而呢個時候,JUDY好似想嘔咁。

靈機一觸,我關左水喉然後行到JUDY面前話:「想嘔就狠狠地嘔落去啦。」我將半滿既冰筒遞到JUDY面前,再係佢耳邊話:「妳想幫呂晨既話就嘔啦。」

JUDY聽到我咁講之後就肆無忌憚咁嘔。

「出面……有人……嘔啊……」個把女聲係度問。

「邊撚個係人地扑野果陣嘔啊。」男聲好似有D唔耐煩。



JUDY嘔完,我拎住果桶嘔吐物加半桶水既野行到呂晨面前,問佢:「妳黎定我黎?」

呂晨一臉既猶疑,我無等佢答我,一手將果桶嘔吐物從高而下咁倒入個廁格度。

「啊!」「邊個仆街玩野!」我聽到入面有好急速既著褲聲音,而我再問呂晨:「妳黎定我黎?」

而家喊到唔知點咁既呂晨抿一抿咀,然後拎過左桶嘔吐物,呢個時間,廁門打開,「邊個仆街……」呂晨未等佢男朋友講完,就將另外半桶嘔吐物向佢男朋友塊面倒過去。

「係我啊!仆街!」呂晨大大聲咁對住佢男朋友講,佢男朋友望到我地幾個都呆左一呆。

佢再推開佢男朋友,行到廁格到望住半裸既果位女仔,好大力咁打左佢一巴後,再行出黎望住佢男朋友,「……晨……」「啪!」一下好似轟雷既清脆利落,「分手啦仆街!」呂晨講完就拉住我衝左出廁所。

「哈……抵撚死啊……比女飛又整到成身好撚臭……」傻笑緊既JUDY講完呢句後都比我拉走左。

就係咁,我比左個答案呂晨,而呂晨都將呢個答案話左比佢男朋友知道。