同喊到對眼腫晒既阿琪去到M記,叫左佢平日成日叫既M記餐,唔好問點解我會識得幫佢叫,因為當你同一個自己鐘意既人成日出街食飯,你點都會記得佢鐘意食咩,叫開D咩,你點都留意,因為果個係你現時最在意既人。

拎住個餐返埋位,阿琪見到D雞翼隻眼發晒光,然後問:「有無……」「知妳鐘意泰式醬緊係拎多幾包啦。」

阿琪笑得好開心開始食。

「頭先呢,你未話有個男人向JUDY求婚既,但佢又去令一個男人到咩咩,其實佢都有好多野煩架WO。」阿琪話。

「係啊,其實聽佢講佢係兩個人之間,對一個要原全付出,對另一個又要原全接受,就好似被人虐待完之後,再去虐待另一個人平衡返咁樣。」我答佢。



「咁好易精神分裂。」阿琪一邊食佢既雞翼一邊講。

「就係囉,但平時見到JUDY好獨立堅強,但估唔到佢愛情呢一方面會咁亂。」我話。

「有時,愛情呢D野係可以令到一個理志既人變得混亂,就好似JUDY講過既說話一樣,愛情從來都係複雜,就算有人話自己好識得愛情,佢地都只不過係受過愛情傷害既人,愛情係唔會錯過磨練每一個人,JUDY都係,呂晨更甚,我……亦都一樣。」阿琪好感觸咁講:「我拍過幾次拖,有幾次係相睇而開始。」

「相睇?」妳唔係好大都去?」我問佢。

「我阿媽想嘛,唔想逆佢意,相睇果D人有好多都係富二代,有D真係會同我講心,但有咩用,當我同佢地都係講心果陣,佢地阿爸阿媽就會覺得我係睇佢地舊金,最後我情願放棄,因為愛情變成一種壓力果陣,已經唔係一種愛情,而係變成一種責任。」佢打開自己部電話,開左一個男仔既相我睇:「呢個男仔,佢話好愛我,但當我問佢,佢阿媽覺得我係睇住金先同佢一齊果陣,佢叫我唔好同佢阿媽嘈,佢連保護我既能力都無,叫我點樣同佢繼續落去,慢慢地,同佢拍拖就變成一種責任。」佢關返張相,然後又話:「再講我個EX,佢話同我果陣時放棄左好多野,但係我放棄左既野,佢知道咩?佢只會覺得係我令到佢有如此田地,但無諗過我都犧牲左好多野。如果愛情到最後變左不停數大家既不是,呢D就叫做愛情變成責任。」



聽到阿琪講左咁多之後,我諗左一諗就話:「但其實,愛情變做責任係一定會發生既事,只在乎,雙方肯唔肯一齊去負呢個責任。」

阿琪望住我,自己諗左一諗,再講:「咁你有好似有D道理。」

聽到阿琪既讚同,我就再講自己既見解,「當一對認定既戀人走埋一齊,佢地會自願性地付出,真心真意唔會計較,就算有事會有磨擦,都會係佢地既考驗,因為兩個人一齊,無可能事事順境,點都要一齊去解決問題,就好似結婚果陣,神父係每對新人面前問既問題一樣,不論以後貧窮疾苦,都會陪伴一生,每次D人都會講我願意,呢一種就係一種責任,但做唔做到,有幾多人會做到,就要睇佢地對大家既愛有幾重。」

阿琪聽完之後,講左一句:「唔知,可以同我同甘共苦既人,會幾時出現呢?」

聽完佢咁講,我就答:「出現左啦,未係我囉。」可能真係飲左酒係大膽D,如果係平時既我,點會講呢句。



佢聽到我咁講後,只係笑左一笑,然後就話:「咁我就要睇下你可以點同我同甘共苦拿。」佢呢一句,係咩野意思呢。

就係呢個時候,我同佢既電話都同時響起,我諗,一定係跑步GROUP既MSG,佢睇一睇後,驚訝地同我講:「呂晨佢QUIT左GROUP。」

下!?呂晨QUIT GROUP!?唔通係因為頭先發生既事?佢驚我同JUDY會向所有GROUP MEMBER講?

「不如,你SD 個MSG比呂晨問下佢咩事?」阿琪話。

「好……」我答。

我打開玩話,見到而家既時間已經係凌晨5點幾,今晚,真係一個難忘既晚上。