實在太沉醉係阿琪既懷抱入面,沉醉到,原來已經抱左成分鐘都唔止。

「你係未訓左啊?」阿琪好溫柔咁講,而我就成個人即刻彈起企返直,當然又整到隻腳叫痛啦。

阿琪咪起隻眼望住我,然後話:「你抽我水。」

「無啊!我無啊!」我聽到佢咁講第一時間既反應係咁。

「你食我豆腐。」阿琪繼續咪起隻眼望住我。



「唔係架!我真係唔係有心架!」死啦,頭先我咁樣阿琪會唔會而為我同班狗公一樣架。

「你博我懵。」阿琪又講,唔知點解我心中既罪惡感不停放大,唔通,我真係好似阿琪咁講,其實我係抽佢水,食佢豆腐,博佢懵!?

佢拍左我個頭一下,呢一下,拍返醒混亂緊既我,「講下笑咋我。」佢話:「雖然你都似係想食我豆腐架拿,但見係你……」佢笑左笑,然後就傳身走左,走果陣仲話:「記得搽腳啊,快D好返先可以阿我行街架。」

下?姐係點啊?咩叫做見係我……然後呢,點解阿琪唔講埋落去啊。

我拎住支鐵打酒上返樓,補充,係好痛苦地上返樓,但係,唔知點解,我笑得好開心。



「死仔,返黎拿。」老牛大人係門口迎接我,「係啊,我返黎拿。」

我回應佢後,佢就話:「做咩落完去之後就咀角含春笑得咁淫啊。」

「邊有WO。」又係果種打從心底笑出黎既笑容,我將支鐵打酒放好左之後,坐返上張床上面,望一望電話,原來阿琪SD左MSG比我。

阿琪:以後你有咩事唔話我知
阿琪:你就知死
我:知道拿
阿琪:你好好休息下拿


阿琪:我自己去跑步
我:妳小心D啊
阿琪:知拿
阿琪:我一定唔會整親腳先(喊笑)

係呢一刻,我暫時將同阿富既打賭忘記,不過,都只係暫時……因為過左幾日,我收到阿富SD比我既一張相,相上面係佢比賽前訓練既最佳時間……38分53秒……