「咁就死啦,阿JU……」阿COW想講JUDY個名出黎,我即刻拍一拍佢,然後佢先醒覺話:「我個TARGET而家哄佢都無反應,咁姐係已經標籤左我係呆板無情趣。」

「係架。」能蟹仔好直接咁講,而COW都同直接咁好頹地低下頭。

「咁……有無方法解救?」我問能蟹。

「比我諗下先。」能蟹仔擺左個諗樣出黎,諗左好一陣後話:「你前題係做左d咩,會令到佢咁先?」

COW就好似做錯野既細佬仔咁話:「我試過背住佢同令一個女人一齊……」



我都記得JUDY之前都有同我講過,我都好想知呢件事係點既。

「同過另一個女仔一齊?姐係一腳踏兩船?」能蟹問。

「又可以算係,有可以算唔係……」COW你講左野架拿?你呢句野咁矛盾既。

「咁姐係點啊?點樣又算係又算唔係啊?」能蟹仔問。

「因為我係同果個女仔幾日後就比佢知道左,然後我地就分開,咁樣算唔算係……」COW佢愈講愈細聲。



「咁就緊係啦,只要你係同一時間同兩個日一齊,無論係一日定一個鐘,都算係一腳踏兩船。」能蟹仔呢句講得好有道理。

「但我之後都同個女仔分開左去追返佢……」「關咩撚事姐!有發生過就有發生過架啦!」能蟹仔唔多好氣咁講,而COW一見到佢咁唔好氣後,就問佢:「係未因為我係男人咁做,秉以你開始發火?」

COW呢句說話唔單只令到能蟹仔反白眼,我都反左一反白眼,而能蟹仔就話:「唔關事,一腳踏兩船唔係男同女既分別,而係人既問題。」佢嘆一嘆氣,然後望住我講:「硬頸牛,你呢個朋友就硬頸過你wo,好似講極都唔聽既。」

我望住能蟹仔好無奈咁笑一笑,其實我都好認同佢咁講,但係你都唔駛當住人面前咁講掛。

COW聽到後仲頹咁低下頭問:「其實,我最大既問題係咩野?點解佢好似唔多想理我?」



而係呢個時候,一個人既出現嚇左我一跳,「你最大既問題,係你連最基本愛係咩野都唔知。」呢把聲好熟,我應該成日都會聽到,我望一望我身後講野果個人,「阿爸!你點解會係度既!」係老牛大人。

「我不嬲都會約朋友係度吹水架啦,男人既浪漫嘛。」佢答我,然後就望一望我個朋友,「我頭先都聽到你地所講既野,但係你呢位朋友就真係極品,好似未經人事開發既愛情白痴一樣。」

能蟹仔聽到老牛大人既說話,好同意咁點一點頭。

「係未要幫手啊?」老牛大人問,而COW就好用力咁點一點頭。

大鑊,今次愈黎愈多人整呢單野,我有一個唔好既預感……