而家每日我都係兩邊不停咁通風報訊,當然阿琪就係知最多果個啦,甚至我要比咩料佢地,都要經過阿琪同意先,而今日,能蟹仔就諗到個IDEA,不過我見到佢個IDEA咁誇,應該唔WORK,老牛大人一定唔贊成。

但係……呢個世界有樣野叫意外,有樣野叫萬一,估唔到今次老牛大人竟然贊成,COW見到有兩個人都話OK,緊係都贊成埋啦,而我呢一票……投黎都無用。

就係而少數服從多數既情況下,佢地決定搞呢一次既大龍鳳。

我緊係即刻話左比阿琪聽啦,但係能蟹仔話打鐵趁熱,係就快快出黎傾,估唔到老牛大人又贊成,所以,我地幾個又約左去果個大排檔度。

係個大排檔度,我帶住HANDFREE望住眼前果三個人。



「你帶住HANDFREE做咩姐?」老牛大人問我。

「無,呢排有個線上課程就快完,所以而家快手聽姐。」我是但搵個借口答佢。

「你有玩果D線上課程架咩?」能蟹仔問。

「有啊。」我HEA答佢。

「你真係好學啊阿牛。」COW話,我懶得回應佢。



我而家一隻耳仔聽佢地講野,而另一隻耳仔就聽緊阿琪講野,我個腦都轉唔切應該聽邊度。係啊,我戴HANDFREE,係因為要比阿琪易D聽到呢三個人講野,而我今日就決定唔講野全程聽。

而阿琪把聲就係耳機度話:「醒目WO諗到個咁既借口。」我聽到佢咁講好笑左笑。

「我睇左你地講果個IDEA,其實之前我都想咁做,但係唔夠膽。」COW話。

「咁今次就要好好做左佢拿。」能蟹仔拍一拍佢既膀頭。

「無錯,一係唔做,如果做就要做到最好。」老牛大人話。



等我好簡單地講一講佢地既計劃先,其實都唔係好特別,而且頭先COW都講過話佢先前都諗到但只係唔夠膽,可想而知,呢個IDEA 應該好普遍。

無錯,佢地諗住玩快閃,其實我一見到呢個IDEA第一時間既神情係……唔係掛……因為上網已經見過有好多人用快閃黎求婚,仲要跳晒舞唱晒歌,又要叫埋雙方家長黎伴舞,然後就係男主角跳到身水身汗無啦啦消失左,原來去左拎花同戒子出黎,向女望角求婚,而女主角當然係一臉錯愕咁望住男主角濕晒啦……我意思係眼淚流到塊面濕晒。

然後當然係大團圓結局啦……我係話上網D片,其實我真係想講,放得上網果D就緊係我米成功架啦,唔通D人會放條失敗既上網比人睇咩,而且,放成功片係因為想更多既人搵果D人幫佢策劃快閃,唔係做咩放上去。

我聽個有幾個身邊既朋友都試過快閃求婚架,但係唔係成功果D囉,好既就會先答應你然後事同你講唔想結住,唔好既就係即場拒絕添。

有個仲搞到事後分埋手,其實,只要對方想同你結婚,就算你幾簡單講一句,佢都會答應你,呢D大龍鳳,有時都會變成反效果架。

「好啦!我地就決定用呢隻歌!」死火,掛住發白日夢完住唔知佢地講緊咩歌。

「喂,你仲唔快D SAY NO叫佢地唔好用呢隻歌。」阿琪把聲係耳機度叫我。

「佢想用咩歌啊?」SHIT!!!我有無咁死蠢啊!?講左出黎都有既!而佢地三個聽到我喧問後,一齊望住我話:「家有喜事入面果首啊。」



下?家有喜事係電影黎架WO,歌黎架咩?

「邊首啊?」我再問,然後見到佢地清一清喉嚨,清唱:「齊歡唱~~~喔~喔~喔~~~家有喜~~啊~啊~~事~~~打!拿打打D打打!快~~~啊樂~吉啊~~~祥~~~咦咦咦咦咦咦~~~」

我O撚晒咀望住佢地心諗,咩諗野事啊……

「佢係星爺既FANS,次次睇到呢度佢都會一路笑一路跟住唱架。」COW用一副胸有成竹既話氣講。

「有品味,識睇星爺既女一定係好女仔,我都好鐘意睇星爺架,COW你就有福啦識到個咁既女仔。」能蟹仔不停贊,而COW就好開心咁傻笑。

「星爺既戲,果然三到八十都岩睇,我都好鐘意佢架,耐唔耐都搵返佢D電影睇。」老牛大人,你講既係電視星期六日從播果D啊,係啊,你成日無咩野做就緊係睇架啦。

而阿琪,就係耳機度話:「睇黎佢地唔係想幫COW,係想整死佢咋WO,如果比著我,有人唱齊歡唱向我求婚,我實消失以後斷絕來往。」



我聽完阿琪既說話後,笑左出黎,而佢地三個就望住我話:「你睇,連硬頸牛都笑左,姐係同意啦。」

「佢緊係同意啦,我個仔WO,有我遺傳都好鐘意睇星爺架。」老牛大人話。

「多謝你地啊。」COW一副痛哭流涕望住我地好感激喧。

JUDY,真係恭喜晒妳……齊歡唱~~~