[愛情無限loop] 就係咁，我做左女神一年既備胎: １３８　五粒湯丸

望左望果五粒湯丸，再望一望阿琪，「快Ｄ食啊，唔比浪費食物架。」

我聽完佢講後，又再望一望果五粒湯丸。

湯丸ＷＯ！！！湯丸啵！！！而家唔係講緊簡簡單單一支水，而家係講緊湯丸！！！

一支水，你飲既時候可能會思考頭先女神個口係掂過樽口，但而家，係湯丸啊！！！仲要係我親口睇住佢咬，湯丸既糯米上面，印有阿琪既口水，而且仲係黏性極強既糯米，口水一定已經比佢地鎖左係上面！！！我以為！

仲有……仲有豆沙餡同花生餡而經唔再係普通既豆沙同花生……係有阿琪既口水啊！！！！！



我望住果五粒湯丸，佢地就好似已經唔再係豆沙餡湯丸、花生餡湯丸，而係阿琪口水餡湯丸啊！！！

上天對我真係好，呢一刻既我唔知點解，有一種想喊既感覺，係一種守得雲開見月明而想喊既感覺，我拎起左手中既匙，正常畢起得一粒阿琪口水餡湯丸果陣，聽到旁邊既一對情侶話：「你睇人地幾ＳＷＥＥＴ，兩個人一人一啖湯丸啊。」

係啊，我都覺得好ＳＷＥＥＴ啊，而家粒湯太距離我口既位置唔遠，好快我就食度，而呢一刻，我又留意到另一臺既兩個男仔，佢地望住我笑左出黎。

我心諗你地識咩，你地係唔會知道我而家既心情係幾百感交集。

我慢慢將粒湯丸送入口中。



「好唔好味啊？」阿琪問我，而我就回答佢：「……好……好味。」

「咁就試埋呢個花生餡啦。」阿琪一講完後就喂左我食，我第一粒都未吞，後應都黎唔切只係張開左口，兩粒湯丸已經係我口入面。

「你覺得豆沙定花生好食Ｄ啊？」阿琪問，講真，我真係唔知而家我口中呢兩款湯丸分別既味道係點，因為佢地已經合二為一，而且，我只係覺我，我食到既味道，係阿琪口水既味，其他既我咩都食唔出。

但我無理由答佢，話佢Ｄ口水最好味，所以，我就是但同佢講：「豆沙好食Ｄ。」而且，我本人一向都係鐘意食豆沙多Ｄ。

阿琪聽到我既回答後，好開心咁笑住話：「我都覺得係啊，我都鐘意食豆沙味。」



「……係……係啦。」我仲慢慢咁品嚐果粒湯丸。

經過呢五粒湯丸既洗禮，今日既衝擊對我黎講已經好大，如果再有其他既衝擊，我都唔知頂唔頂得順。

食完野，阿琪一樣撓住我隻手行街，我地兩個行多左陣就送左佢返屋企，因為佢話屋企有Ｄ野做唔可以太夜返。

一送完阿琪返家後，我就ＳＤ左個ＭＳＧ比ＪＵＤＹ。

我：ＪＵＤＹ，我想問如果一個女仔出街果陣，撓住你隻手行街，姐係點？
ＪＵＤＹ：嘩
ＪＵＤＹ：牛兄比邊個食左啊（大笑）
我：妳答左我先啦
ＪＵＤＹ：八九不離十係對你有意思囉
ＪＵＤＹ：係邊個咁好彩有得食牛啊（大笑）
我：阿琪啊


ＪＵＤＹ：嘩，你地唔聲唔聲進展我咁快既
我：我都唔知啊
我：今日同佢出街佢就係咁
我：之前都唔會
我：最多係身體少少碰撞
ＪＵＤＹ：你終於恨到啦你
我：都唔知係未真既（喊笑）

其實我都唔知點解阿琪無啦啦會咁，只不過，我就覺得係時候可以同阿琪表白多一次，不過，要點表白好呢？我諗左一晚，不停諗左好多方法，但都驚阿琪唔會答應我住。

就當我諗緊之際，收到ＭＳＧ既鈴聲響起，我睇一睇，係阿琪，我滿心歡喜望咁開個ＭＳＧ出黎，但當我見到個ＭＳＧ後，就唔再滿心歡喜，換來既係一個天意弄人。

阿琪：頭先阿富ＳＤ左個ＭＳＧ比我，佢話佢同女朋友分左手

上天永遠都會排都好多野去磨練一個人既意志？定係，佢好撚鐘意玩９人，睇佢地就快得到既時候，係都要再做多Ｄ野令到個目標又走遠？



點解，當我得就快可以同阿琪係埋一齊既時候，上天又會安排左呢次睡火山爆發。