[愛情無限loop] 就係咁，我做左女神一年既備胎: １７５　阿琪既初戀（補返更新）

（唔好意思，因為呢排做野加班，遲左一話，今次一連更新兩話，各位朋友記得睇晒兩話啊）

由阿珍一坐左過黎，阿琪就好靜，雖然其他人唔多覺，但係我好明白阿琪份人，可能因為先前阿塔件事，佢有少少尷尬。

不過阿珍就一副若無其真既樣，同我地傾計，笑七三廿一講既爛ＧＡＧ，同ＪＵＤＹ笑我以前既蠢事，串能蟹既不切實際。

所以人，就好似忽略左阿琪咁。

「妳做咩啊？」我輕聲問阿琪，而阿琪只係微笑左一下後話：「無野啊，飲野。」



唔知點解，總覺得阿琪好似有Ｄ心事，但係呢種心事，係好細路仔既心事咁，佢望住阿珍既眼神，就好似一個細佬仔係度表演緊，當所有人都正想為佢拍手時，又有另一個細佬仔出黎搶左佢風頭咁。

無錯，阿琪覺我阿欣既出現，搶晒所有人對佢既目光。

我第一次感覺到阿琪會有咁既諗法，就算以前佢同呂晨一齊出現果陣，都只係呂晨會有呢個諗法……唔通，阿琪覺得阿珍係一個可以威脅到佢既人？

七三廿一不停放笑彈，令到阿珍笑到收唔到聲，其實阿珍都算係一個正常既好女仔，樣又唔差，所以有人鍾意都唔奇，且而先前係佢口中得知，都知道佢為左等阿塔放棄過幾個人，可想以知，佢其實唔會擔心無人要。

平時酒過三巡，大家都會玩到癲晒，又或者玩我好開心，但今次，開心既人唔包括我同阿琪。



阿琪一個人好靜咁飲緊野，而我就陪住阿琪，係佢身邊陪佢飲野。

「做咩今日咁靜啊？」我問阿琪。

「無野啊，只係，見到阿珍，突然間諗起，咁樣就大半年，好似，發生左好多事咁。」阿琪話，然後若有所思咁飲左啖酒。

「係啊，發生左好多事。」我一樣飲左啖酒後講：「其中一件最重要既事，係我地相識左。」

阿琪聽到我咁講後，笑得好開心咁話：「係。」然後，佢望一望阿珍，問我：「其實，我係未拆散左阿塔同阿珍？」



估唔到果陣事唔理唔理既阿琪，係呢一刻，佢會咁問我，我認真咁望住佢，而佢都好認真咁同我講：「我好明白，當一個人好鍾意一個人既時候，果個人卻傷害果個人既心情，一定係比死更難受。」

「妳又知？」我問，我只係無意咁問，不過阿琪就好認真咁答我：「因為，我做過呢件事，我傷害過一個好鍾意我既人……」阿琪一路講，一路用手指擦住杯邊話：「而果個人，係我一生中最鍾意既人，亦都係我第一次鍾意既人。」

我聽到佢咁講後，當堂靜晒，而佢就繼續，「我既初戀男朋友，因為我屋企人反對，因為古老既思想，我鄉下傳統男人唔可以同細過自己六件時女仔一齊，就係因為咁，我屋企人就唔比我同呢個男人來往。」

果一刻我聽到佢咁講真係有少少想笑，但時候問左好幾個老一輩既人，原來國內有好多個地方到而家都有呢個傳統思想。

而阿琪，就繼續，「但係我地兩個人係好愛大家，我地仲一齊做Ｄ小生意，諗坐自己養自己，當時我真係覺我好幸福架，果個男人仲話，佢要我做既係老闆娘而唔係工人，所以每次見到我做粗活既時候，佢都會阻止我，佢直係對我好好架。」

我睇得出，係阿琪既眼神當中，帶住既係一種思念，仲有一種遺憾。

「不過，最後都係因為我屋企人既關係，我不得意放棄呢個男人，我要叫我朋友假扮我既男朋友，係佢面前講盡傷害佢既說話，我知果一刻，佢一定生不如死。」阿琪講講下，眠住咀，而我，就摸一摸佢既頭話：「想喊未喊囉。」

「唔喊啦，喊左好多次拿。」阿琪笑左一笑，呢一笑，係看透世事既笑，「果一刻，佢生不如死，但係，我個心都千刀萬剮。」



講完後，阿琪將杯酒一下飲晒，然後同我講：「呢個係我既初戀，到你話返我知，你既衫戀係點。」

「先前未講過妳知囉。」我話，而阿琪就繼續望住我講：「我知道，仲有Ｄ野你係無話我知既。」

咁到比佢睇穿……