睇返果D SD比我既MSG,大部份都係阿琪,差唔多都係問我做緊咩,做咩唔應機,叫我覆返佢。

其實,一個人好關心一個人,係未都係會做呢D舉動?

我:我今日去左做野好忙
我:所以無時間覆妳
我:對唔住

我又呃左阿琪。



阿琪:我以為你有咩事啊
阿琪:又唔知係未我做左D咩整到你唔開心所以唔應我
阿琪:嚇死我拿
我:唔會
我:妳點會令到我唔開心WO
阿琪:咁你忙完未啊?
我:忙完拿
我:而家返屋企
阿琪:咁你返到去早D休息啊



覆完阿琪再睇其他人SD比我既MSG,果D都係普通既吹水話題,直到,我睇到一個MSG,我呆左,果個係我阿媽SD比我既MSG。

媽:你阿爹入左院,快D過黎

我見到呢個MSG即刻打比我阿媽問老牛大人入左邊間醫院,一收到地址就飛的趕去。

係的士上面,我睇返呢個MSG SD過黎既時間,係六個小時前,唔知老牛大人發生咩事呢?你千其唔好有事啊。

而我仲有SD MSG話比阿琪知老牛大人入左醫院既事,佢都好緊張咁不停問我點解會咁。



但係,我都未去到醫院,都答唔到佢明確既情況,一去到醫院,我就即刻街上去老牛大人間房,「阿爸你點啊?」

「咁早啊你,食唔食生果啊?」老牛大人好精神咁坐左係床上面食緊生果,而阿媽就好攸閒係旁邊住坐睇緊自己電話。

見到老牛大人無事,擔心既心情即時減左一大半。

「仲咩入醫院啊,阿爸?」我問老牛大人,而老牛大人就答:「比你激道囉。」我聽到反一反白眼,行到去床邊,然後問阿媽:「發生左D咩野事?」

阿媽就答我:「你阿爹無啦啦暈低,嚇到我唔知點算,未送佢黎醫院比醫生睇下囉,醫生叫佢留院觀察啊。」

「我都無事,不知幾精神。」老牛大人講完後好大力咁拍打自己既心口,我見到當堂呆左。

「精你條命咩,頭先阿仔唔係度先話個頭又痛,條腰又酸。」阿媽講完後就放低部電話同我講:「一陣你同我一齊返屋企,執幾件衫比你阿爸。」

「知道。」我點頭回應,然後坐多左陣就同阿媽佢返屋企執幾件衫比老牛大人,而期間我就話比阿琪聽我阿爸無事,佢先無咁擔心。



而我SD完MSG比阿琪後,我阿媽就問:「SD MSG比女仔啊?」

係全世界既阿媽都知道自己個仔既心事?定係我唔識得收埋呢?佢咁都知,「無啊。」

「仲話無,通常你地D男人SD MSG偷笑一定係同緊女仔傾計。」阿媽又會咁醒既,唔得,要轉移話題先得,「咁阿爸有無SD MSG果陣偷笑啊?」

「佢敢咩。」阿媽好有自信咁話,然後又問我:「果個女仔,係未就係你鍾意果個女仔?」下!?阿媽又會連呢D都知道既。

佢望住一副疑惑既我話:「每次你同你阿爹夜晚傾計傾得咁大聲,我緊係聽到啦。」

竟然係咁,睇黎我下次要再將自己既聲浪收細先得。

橫店阿媽都知道左,我就直接問佢:「阿媽,阿爸話以前佢係等左妳好耐,妳先會同佢一齊,係未真架。」



阿媽聽到後笑左笑話:「雖然講都無人信,我自己都唔係好信,不過,係真既。」

「點解妳自己都唔信啊?」我問。

「因為你阿娘我係唔相信日久生情呢回事。」阿媽講完後,我更不解。