[愛情無限loop] 就係咁，我做左女神一年既備胎: １９１　拾拾入ＧＲＯＵＰ

你地可能會話我因為一個人而放棄左友誼……但其實我唔想，有邊個唔想自己既朋友都支持自己既愛情，有邊個唔想自己既朋友會為自己找到愛既目標而開心。

除非，佢地覺得我係搵左一個錯既愛情目標。

但係，我點都想試到最後，唔想就咁放棄。

呢一次後，我同佢地都無再提呢日既事，阿珍同能蟹都無主動搵我，不過見面時都會有傾有講，只係好似唔會好似以前咁。

ＪＵＤＹ就更加少出現係跑步ＧＲＯＵＰ既活動，只係耐唔耐搵我出去食野傾計，呻下ＣＯＷ既蠢事。



佢地，就好似突然間無再係我面前提阿琪既野，而阿琪，都少左同佢地接觸。

有時阿琪都會經我問佢地既情況點，我只會答佢，佢地幾好，各有各既野忙緊。

唔通我地既友誼真係咁容易就崩壞？

但另一邊箱，七三廿一就成一同能蟹出去飲野，學做一個壞男孩，但係佢本身就係一個好人，點學都只會覺得佢係扮出黎，心入面根本無壞既成份，有時見到咁樣既七三廿一，都覺得佢好慘。

而果位新認識既朋友，拾拾，我一直都有同佢保持聯絡，我地相方都不時會講最近愛情既近況，我愈黎愈覺得拾拾就係七三廿一口中等左十年既人。



我好想搵一個機會證實我既諗法係真，但一直都無呢個機會，直到有一次。

跑ＧＲＯＵＰ入面有一個新ＭＥＭＢＥＲ加入，我一睇，點解呢個ＭＥＭＢＥＲ加入左唔係一個號碼，而係一個人名，再留意一下個人名，原來係拾拾。

正當所有狗公瘋狂問拾拾問題既時候，我就收到拾拾既ＭＳＧ。

拾拾：原來你都係同一個跑ＧＲＯＵＰ入面架
我：係啊
我：我剛剛先知詭
拾拾：香港真係細



無錯，香港真係細，我諗拾拾應該無諗過，七三廿一都係個ＧＲＯＵＰ入面。

通常一有新ＭＥＭＢＥＲ加入，我地都會開一個新團出黎識下新既朋友，而呢Ｄ活動七三廿一一定會出現，因為佢可以識都新既女仔，呢一次就係我一直想見到既情況，因為我都想知道我既諗法係未真，而當我係度幻想今次既情況果陣，我收到阿琪既ＭＳＧ。

阿琪：你今日跑唔跑啊？
我：應該會去
阿琪：咁我都去
我：其實
我：頭先剛入ＧＲＯＵＰ果個ＭＥＭＢＥＲ我之前就識
阿琪：新入ＧＲＯＵＰ果個女ＭＥＭＢＥＲ？
我：係啊
阿琪：點識架？
我：說來話長……



我將識拾拾既經過簡化左同阿琪講，而且將認為佢係七三廿一等左十年既女仔都話左佢知，而阿琪聽到我講之後，就話。

阿琪：你都知幾多野架ＷＯ
我：咁岩佢地話我知姐
阿琪：點解你唔話我知（嬲）
我：下？（喊笑）
阿琪：你有野瞞住我（嬲）
我：又唔係Ｄ特別既事
阿琪：唔理（嬲）
阿琪：（嬲）
我：有少少肚餓想去食野添
我：妳去唔去食啊
阿琪：又出呢招（喊笑）
阿琪：食貨無尊嚴架（喊笑）
阿琪：係（喊笑）



最近同阿琪既溝通方式都係咁，只要佢有少少唔開心我就會帶佢去食好野，呢一招真係萬試萬靈。

但係，我而家腦入面，只係不停想像緊今既既跑步活動，當七三廿一見到拾拾會點呢？究竟係未我所諗咁，拾拾就係七三廿一等左十年既女仔？