不速之客B男既突然出現同離開,真係搞串晒個PARTY,佢走左之後,能蟹同阿珍望住我地,原全唔知發生咩野先,而阿琪知少少既,只係好尷尬咁微笑望住我,我睇得出佢係想問我點算。

但係,我見到拾拾既不知所惜、JUDY既怒火、COW既不甘與七三廿一既無奈。

拾拾佢不知所惜咁低下頭,唔敢望我地,佢無諗過自己就係拆散左呢一位新認識朋友果個人,如果換轉係我,我呢一刻都只會低下頭,甚至已經走左。

JUDY既怒火,當然係來自B男,但係佢唔敢發出黎,只係企左係度緊握自己既拳頭,抿住咀,熱淚盈眶既佢不停向上望,就好似唔想比自己既眼淚流落黎,因為佢唔想再為呢個B男流淚。

而COW佢望住JUDY咁既樣,幫唔到佢,心中不甘點解自己深愛既女人仲要比呢個賤男B男傷害,而且仲要係今日呢一個咁重要既日子,佢不甘心睇住自己既女人受到呢一種折磨。



七三廿一既無奈,係佢都唔知而家呢一刻可以做到D咩,住係佢身邊既係佢以前愛過既女人,但係佢見到而家既拾拾,都唔知應該伸出援手好定點,最後佢選擇左沉默,而佢就係為左自己既沉默而感到無奈。

我面對住呢四個人既情緒,我知情既人都唔知講d咩野好。

而好好彩,能蟹呢個時候講左句:「有無人可以話比我聽頭先發生左咩野事?」雖然佢呢一句係而家呢個時間講唔係幾合時,不過只要可以打破而家既局面,都不失係一句好說話。

而JUDY聽到佢咁問後,就好激動咁望住佢講:「你係未想知啊!你係未好想知啊!你係未真係好撚想知啊而家!!!」

我諗而家呢一刻,JUDY聽到咩野說話都會好激動。



能蟹慘變成炮灰咁呆左望住JUDY,而我地都一樣,JUDY就繼續話:「點撚解要咁啊!點撚解當我想安安靜靜同自己鍾意既人拍拖既時候!總要發生D咁既事啊!我好累啊!我而家只係想安安靜靜拍拖咋!」

JUDY佢不停將枱上既野掃落地,酒、小食、杯,甚至係我地一齊整既蛋糕。

我望住個蛋糕跌落地上面,諗返之前四個女仔一齊話要有個有好多士多啤梨既蛋糕,我地一齊去整,而家呢一刻,蛋糕仲未食過就跌左係地上面。

眼淚無情,滑過JUDY臉龐後跌落枱面,JUDY不停咁擦眼淚,仲邊擦邊話:「唔好喊啊!唔可以喊啊!我唔想再為D咁既人流眼淚啊!」

COW係呢一刻從後攬住左JUDY,然後話:「傻豬,妳呢D眼淚唔係為左果個男人,而係為左我地兩個而喊架。」



本身好激動既JUDY聽到COW呢一句說話,都軟化左落黎係度喊。

而我地可以做既,就只係企左係度睇住JUDY喊,而呢一刻,拾拾同JUDY講左句,「對唔住。」

JUDY只係望一望佢,然後話:「唔關妳事,妳都係受害者。」然後,拾拾都流下佢既眼流。