尋晚成晚訓得唔好,因為不停係度諗究竟老牛大人講過想點同佢慶祝呢?

就算真係訓左,都記得發夢果陣都好似係關於老牛大人,如果真係發到佢話過答案比我知就好,但係果夢入面,佢只係不停打我既頭,整到我起身果陣,都真係有少少頭痛。

簡單咁刷牙洗面食早餐後,睇一睇部電話,見到既係阿琪既短訊。

阿琪:你尋晚返到去點解無話我知?

死火,尋晚一返到去就比老牛大人既問題煩左成晚,真係唔記得左SD MSG比阿琪添。



我:對唔住
我:尋晚一返到屋企就比阿爸捉住我係度問話
阿琪:問咩啊?
我:阿爸佢就快生日
我:佢話佢有同我講過要點慶祝
我:但我諗黎諗去都唔記得
阿琪:不孝啊你
阿琪:阿爸講既野你都唔記得
我:連妳都鬧我(喊)
我:我尋晚成晚都無咩點訓到


我:就係因為諗呢個問題
阿琪:咁諗左成晚
阿琪:諗到未?
我:未(喊)
阿琪:(喊笑)
阿琪:放過你啦今次
阿琪:見係你忙緊你阿爸既野
阿琪:你一定要記返起啊
我:知道



同阿琪MSG左幾句後,我就出門返工,成程車都無咩精神,而個腦都繼續諗緊老牛大人既問題,突然又收到阿琪既MSG。

阿琪:係未阿你爸爸食飯啊?
我:應該無咁簡單
阿琪:佢想要收D特別野做禮物?
我:都唔係
我:如果係咁我一定記得
阿琪:佢係未真係有講過架(喊笑)
我:佢話佢有WO(喊笑)
阿頁:係未想你帶個女朋友返去佢睇啊(喊笑)
我:如果真係咁
我:咁到時可能要麻煩妳扮我女朋友拿(喊笑)

SD 左出去後,我先發現點解我可以咁大膽同阿琪講D咁既野,正當我準備SD多個MSG話講笑果陣,見到阿琪覆左句。



阿琪:你就想(喊笑)

雖然佢只係覆呢一句,但係我都好心滿意足覆佢。

我:我好想架
阿琪:(喊笑)

我真係好想架,當然啦,如果唔係扮既話就最好不過啦。