而家呢一刻,B男係同阿珍正面對住,呢個唔有型,好似大叔既B男,望住阿珍上下打量左一下,而阿珍呢一刻只係原地咁企左係度,可能佢都唔知可以做D咩。

好彩,B男只係望多左望阿珍就無理佢,行左去另一邊,而呢個時候既阿珍鬆一口氣,行返去能蟹果邊。

而我就係wts group問。

我:阿珍妳無事嘛?
阿珍:無事
阿珍:佢無對我點
七三廿一:唔知果個人有無認得出妳呢?


阿珍:我都唔知
能蟹:我覺得佢認唔出,如果認得出既佢應該有所行動

真係?佢真係會有所行動?如果佢係扮到認到阿珍都扮認唔出既話……唔會既,唔好自己嚇自己。

我同阿琪屏息而待咁望住B男,佢行左去其中一張臺到,叫左杯酒後就開始係場掃視,我同阿琪當然好小心地唔比佢見到啦,不竟阿琪都出現過係佢面前幾次,而我仲打過佢添,所以我絕對唔可以比佢見到。

賤男果然係賤男,B男唔駛幾分鐘就發然到呂晨,而且好似已經鎖定左目標咁望住佢,我呢個時候再睇清楚呢個B男,佢真係一個大叔,但係佢成身都係名牌,不過就……唔知係佢襯唔係D名牌,定係佢唔識襯衫,平時好少打扮既我都覺得佢既衣著不倫不類。

都唔明點解JUDY同拾拾會鐘意呢個男人……



就係我諗緊呢個問題果陣,B男終於有所行動,佢向住呂晨行過去,一行到呂晨身邊,佢就好自然咁坐低左,將自己既杯放係呂晨杯酒旁邊,然後話:「妳覺得我杯酒好飲D定係妳果杯好飲D?」

呂晨聽到B男咁講後,就話:「唔知呢?」呂晨一副唔係幾想理佢既表情。

呂晨!?阿琪叫妳黎係為左引B男,而唔係係佢面前扮上菜架,妳咁樣點可以……

「唔知?咁就要叫比妳試下拿。」B男好似無將呂晨既不理不睬嚇走,反而更加想勾搭到呂晨,而阿琪見到咁,就微笑左一下話:「呂晨果然係女神,以前收慣兵係唔同D。」

阿琪咁講後我就不解問佢:「點解啊?」



而阿琪笑左笑話:「女人太安份守己,係唔會有男人在意架。」其實呢句道話都可以用係男人身上,姐係壞的人永遠都比好的人吸引。

過左一陣,兩杯酒到,B男拎住果一杯係頭先呂晨飲既果款酒,而呂晨就拎住頭先B男飲果款酒,然後佢地碰左一下杯,二人飲左一啖。

「未見過妳黎呢個場既?」B男飲完一啖酒後問。

「係啊,今日第一次黎,不過呢個場好靜,好悶。」呂晨一邊講,一邊撥住佢既秀髮,而B男就露出一個自信既笑容話:「都係架,呢個場係比較靜,但係就可以好好咁傾下計。」講完後,佢用手指輕輕咁係呂晨既手掃左幾下。

「傾計?你落黎係為左同人傾計架?」呂晨問,而B男就話:「飲下野,傾下計……」B男慢慢將個頭哄向呂晨,「唔好咩?妳仲想有D咩?」

呂晨微笑左一下後,將個頭別去另一邊話:「剌瀲。」

接落黎,我見呂晨同B男有講有笑,而B男仲開始大膽到摟住左呂晨條腰!!!



點算!?呢一切發生係我面前,我既心無明有一種怒火,而阿琪見到我咁就話:「阿牛,你冷靜D先。」

「我係膽心呂晨有危險。」我將我既怒火原因講左出黎,因為我怕阿琪誤會,而阿琪聽到我咁講後就話:「我都知,我見到呢個B男咁做,都好嬲,但係呂晨有分串,佢咁做一定有佢既原因,如果我地而家走出去破壞既話,呂晨就前功盡廢。」

阿琪又講得岩,而我就望一望另一臺既三個人,原來能蟹同七三廿一都已經睇唔過眼,只不過好彩有阿珍捉住佢地,佢地先無衝到出去。