(OT到而家剛剛先放工,唔好意思miss左兩日,希望大定原諒)

訓醒,訓左陣個人都好d,望一望手機,見到就快到約左能蟹既時間,快d換衫準備出門,而換衫既期間,見到阿琪sd左個msg比我話佢已經到左果度,而且sd左一張相比我,係佢既自拍,隻相入面佢戴左頂帽,頂帽戴得好低,我諗佢係因為怕比能蟹見到所以先咁做。

我見到張相笑左笑,笑佢傻得可愛,一個人點會因為戴左一頂帽而令到其他人唔發現佢wo。

不過可能果個人係能蟹啦,因為我到左間茶餐廳,第一眼就見到能蟹坐左係邊,然後就見到阿琪坐既地方正正係佢旁邊。

我當然打左個突啦,估唔到阿琪坐既位置咁近,我慢慢咁行過去能蟹度,但目光不其然咁望住阿琪。



「喂!阿牛,咁遲架,遲到仲掛住望女仔。」能蟹既說話,令到我嚇左一跳將目光移去佢度,「無啊,邊有望女仔啊。」

我好小心咁坐低,望住眼前既能蟹,唔係掛,阿琪戴左頂帽你就可以唔認得?呃你真係簡單。而因為能利未見過阿琪,所以佢都唔知坐左係我地旁邊既女仔係阿琪。

一坐低,住係能蟹旁邊,佢既女朋友能利就問:「佢就係你成日講果個on9兄弟阿牛啊?」

我聽到能利咁講後,望一望能蟹,你條撚樣原來平時係背後係咁講後,但能蟹無尷尬不特止,就話:「未就係佢囉,妳睇下佢個樣就知佢係on9仔啦。」

能蟹,我比面你條女,呢樣野之後先同你計。



然後能利好認真咁望一望我後話:「我認得你拿,你就係尋日阻住我跟佢既果個on9仔。」

「其實……其實我都有阿爸阿媽生,佢地幫我改左個名叫阿牛,妳可以叫我阿牛,唔駛下下都叫我on9仔。」我無奈地同佢講。

「唔理,總之尋日阻住我既人就係on9。」估唔到能蟹個女朋友都幾霸道。

我無奈咁向能蟹佢笑左笑,而能蟹就同我打左個眼色叫我唔好放係心上面。

比能利講多左幾次on9仔之後,佢就入正題,「快d同我講尋日果個女人係邊個?」佢一副嬲既樣,但其實從頭先睇得出,佢已經無再嬲能蟹,不過我估唔到既係,原來能蟹一直都無頭能利講果個女人既野,所以接落黎既對話內容,都係同果晚能蟹同我講既說話差唔多,只不過係語氣上既分別,所以我就無謂要大家又睇多次。



能蟹講完之後,能利只係點一點頭,「你睇你以前係幾咁仆街先得架。」能利講野真係好直,能蟹聽到後只係點一點頭,完全無反駁既機會,我見到佢咁笑左出黎,而係旁邊坐係度偷聽既阿琪都偷偷地咁笑。

「你係想幫佢,叫佢唔好咁做同埋想話比佢知B男係賤男,所以先跟住佢?」能利將能蟹想做既野問左佢一次,而能蟹都好直接話係。

「但係如果佢一心一意想咁做,你都做唔到d咩架,而且你係一個傷害過佢既人,佢點會比你幫啊?」能利直接講左個重點出黎。

而能蟹聽到後,好似突然恍然大悟,「但……但如果我想幫佢,我可以點做?」

能利聽到能蟹咁講後,只係嘆左一聲氣,「唉……估唔到男朋友以前d女要自己搞掂,交比我同你朋友啦,我地會搞好佢。」

下!?咩話!?

「咁就交比你地兩個拿。」能蟹好誠懇地望住我話。

喂!等等先!我頭先咩都無講過wo!但佢地好似無諗過我既諗法已經直接確定左我要幫手一樣,我見到咁真係想落淚。



呢件事可以話暫時完左,但我本以為我可以埋單走人果陣,能蟹又問我:「阿牛,果日果四個女人搵你同你講既野,你諗成點?」

「邊日?邊四個女?」我問能蟹。

能蟹反一反眼話:「果日啊,阿琪同呂晨入左院之後隔左幾日,佢地未搵你出黎傾阿琪既野既。」

佢咁樣一講,我又記返起果日講既事情,但係呢一刻我有另一樣野比較在意,就係阿琪仲住係我地旁邊。