屈服左係阿琪既央求後,我約左佢今晚早D到先,因為可以同佢兩個人食野,都好耐無同阿琪夜晚兩日單觸食野LU。

而到左10點,都未見能利有咩野動靜,所以我SD左個MSG比佢,但等左成半個鐘後,能利先覆我。

能利:就到

然後,又等多左半個鐘頭,先見到能利施施然行過黎,11點……姐係佢足足遲左一個鐘頭。

佢一行到過黎,一句對唔住都無講就問:「呢個女仔係邊個?」



而我就話:「佢都係能蟹既朋友,佢叫阿琪。」

阿琪只係對佢笑左一笑,可能,因為能蟹講左佢地對自己既感覺後,阿琪有少少尷尬掛。

而能利聽到我介紹阿琪後,不停點頭然後話:「佢就係阿琪,真係聞名不如見面WO。」

其實你地兩個一早已經見過,只係你果陣唔知姐。

佢講完呢句後,現場就突然間靜晒,而我見到咁就是但搵左D野問:「妳……妳食左野未啊?」



能利佢反左下白眼話:「你未咁撚ON9問埋呢D野啦,不如好好地諗下一陣要點樣開始仲好啦。」

見妳係能蟹條女,我忍妳,「咁能利小姐有無咩野高見呢?」

「我已經問左能蟹,佢話呢幾日跟個呢個女人,得知佢通常都會係某幾個地方出現,所以我地可以去呢D地方試下,但係佢仲提過一點,叫我地小心B男,雖然佢呢幾日跟果個女人果陣無見過B男既身影。」能利話。

估唔到能蟹跟呢個女人都跟得幾足,連去邊幾個地方都知,睇黎佢真係好想幫呢個女人,不過能蟹講左既果一點好重要,就係B男。

呢一刻,我望一望阿琪,然後話:「我今次一定會好好保護妳。」



阿琪聽到後,微笑左一下話:「知拿。」

而能利佢又反左一下白眼,然後話:「咁我地起程啦。」

就係咁,我地三個就開始左今晚既跟人行動。