[愛情無限loop] 就係咁，我做左女神一年既備胎: ３３２　文化中心

我已經無理會街上面既人點樣睇我，夜晚既尖沙咀仲係好多人，我不停係人群度穿插，每個比我經過既人，應該都會向我投出一個奇怪或者憤怒既目光，因為我已經撞親好幾個人。

「阿牛！你咁樣跑好危險架！」又係阿塔佢地。

係危險，但我更加想搵返阿琪。

「小心啊！阿牛！」阿珍呢一聲既尖叫，係因為我無睇燈就衝出馬路，差Ｄ就比一架車撞到。

「仆街！想死既話都唔好害我啦！」我無理到果位司機既不停鬧我，就算佢鬧埋我屋企人我都無理，好快咁跑走，果把聲都愈來愈遠。



「阿牛！你睇住自己先得架！」阿珍同阿塔仍然追緊上黎。

我自覺得呼吸開始慢慢急促，腳都開始軟，但係……但係只要心目中有目標，我就算跑到腳斷都要見到阿琪。

去到一定會見到阿琪既。

到左文化中心一定會見到阿琪既。

「入隧道啊阿牛！果邊快Ｄ啊！」我身後既阿塔大叫。



可能，佢地都已經覺得勸我已經無用，唯有選擇幫我。

穿過隧道再跑多陣，見到果個白色既波蘿包……就到文化拿，我拎左張相出黎睇，再認清楚呢張想既地點，應該係鐘樓附近，仲好似見到果舊唔知咩野石像，果個有好幾個人唔知拎住舊咩野量近角果舊石像。

雖然已經跑到開始無咩力，但係……但係就快到，一定要撑落去。

「好快……前面轉彎……就到……」我不停同自己講，但其實我已經唔知轉左幾多個彎。

直到，我見到鐘樓既一角……



直到，我見到果個巴士總站……

直到，我見到一架雪糕車……

我拎左張相出黎再睇多次……「係……係呢度……」望住果舊石像，不停四圍張望，望住果班賣緊唱既樂隊，望住果班幫人影相賺遊客錢既人，望住果Ｄ剛剛落船既人……

但點解……點解就係見唔到阿琪……

依照張相，我搵到果陣阿琪所坐既位置，係一個花圃既石壆上面，係呢個角度，我正面見到班樂隊係度唱緊歌，歌名我果陣唔知道叫咩名，到事後上網搵返先知道……

還記得 眼神不經意的交錯
不小心 洩漏了心裡的悸動
她們說 我的愛 在心裡放太久
該是時候出去走走



大街上 陽光把心情都看透
肩並肩 你輕輕牽起我的手
你的笑 像太陽 看起來好暖和
嘴角幸福好溫柔

謝謝你愛我 一直容忍我
不讓我難過 溫暖包圍我
如果這世界上 少了你來陪我
還有誰陪我編織美夢

謝謝你陪我 走人生起落
在冬天時候 給我暖暖手
在這世界上 只有你最懂我
決定愛你到我走不動



呢首……係一個叫于文文既女歌手既歌，歌名叫做「謝謝你愛我」。

我一路聽住呢隻歌，拎住電話望住相入面既阿琪……

「阿牛……阿琪佢……」阿珍想繼續問，但係阿塔已經叫停左佢，而我既眼淚一滴……兩滴，滴左係電話上面。

原來呢個世界上，有Ｄ野唔係你用晒所有努力就有回報，「……我……我搵唔到阿琪。」