白雪和我: 地鐵

地鐵

於是，我地係屋企鳩hea左四粒鐘……

兩點半。

「樂仔，不如我地出去食下tea？」

「好啊去邊？」我冇乜所謂ge。



「去大家樂就可以。」

「好。」有米ge小姐，竟然咁平民……？

「咁行la，我地坐地鐵去近住學校ge大家樂食？」我提議。

「地鐵？咩黎ga？」

「你衹係搭過小巴巴士的士？未搭過地鐵？」



「未！」大小姐真係……算……

「咁我依家帶你體驗下？」

「好啊！」又一副小學雞去旅行ge傻樣。

不過算la，佢開心我都唔想掃興。

「咁出發la？」我問。



「行得。」

首先我地搭小巴去馬鞍山站，一開始佢搭小巴冇乜事，不過地鐵就……

出事……

「樂仔我冇八達通得d錢咋……」

知唔知點解佢冇八達通同冇散紙但可以搭到車？

因為全部都係我比。

「婷婷，你去果邊部售票機睇下？」

「好！」



我地行到過去，我教佢點用，佢都識，不過入錢果刻，我呆撚左。

「樂仔，入唔到錢啊……」

「傻女你冇一百咩……？全部都五百一千紙……」

「冇wor……」

「我借住廿鈫比你la。」

「唔該樂仔！」

最終成功買到……



「好la，我地行la。」

佢跟足我指示，入到去。

而我？駛乜on99咁買飛，有八達通la。

「嘩……」我地上左車。

「好靚咩婷婷？」

「係阿……」

「我地以後都會搭呢d返放學。」

「好嘢！」十足十小學雞😂



我地搭左二十分鐘就到大圍。

我地學校係大圍，叫培僑書院，要上山……

我地係下面食左餐大家樂，佢好enjoy。

食完之後，我地準備上去學校。