Ocean Park

「Hey Good morning !」我爆婷婷門後大叫。

「訓多陣la……」婷婷仍然唔肯起身……

「哦,咁冇得食早餐。」

「對唔住,我起!」



說罷,佢衝左去廁所😅😂

之後我再爆心愉間房。

「喂,早晨!」我大叫。

「早晨……」佢睇落啱啱醒……

「整理好就落黎la。」



「Ok👌」

我係客廳煮完早餐,佢地就啱啱落到黎。

「時間啱啱好,大家坐低la,今日爲兩位而設ge早餐係蕃茄湯通心粉配火腿奄列,慢用!」

「樂仔,咁你食乜啊?」心愉問。

「我不嬲唔食早餐……」



死la,好似唔記得左d野tim……

「樂仔,你應承過我d咩?」婷婷,唔好發火……

「以後要食早餐……」我好似被馴服ge小童咁……

「咁點解唔食?」

「我唔記得左,算la,一日姐……」

「唔得!你食我果個la,我未食過。」

我發現坐在另一邊ge心愉傻眼了……

「我食一半la,同你一半ok?」



「哦……好la,咁先乖a ma。」

我拿左個細碗,拿左婷婷份早餐ge五份之二。

心愉好似覺得我地放閃……

但其實我唔鍾意婷婷,我衹當佢係我妹妹……

我都好撚耐冇食過早餐la,發現自己ge手勢都ok……話曬都訓左兩個月……

我好快食完,我等佢地食完先洗碗。

十五分鐘後。



「兩位小姐,行得未?」

「行得la!」

我地搭巴士去金鐘轉車去 Ocean Park 。

我強調多一次:

I hate taking all fucking bus that's slow!

又係粒幾鐘……

十一點半,到站。

我地排左五分鐘隊,就買到飛,星期六始終好過日。



個售票員好似睇我唔順眼,見我好似冇乜錢就想叫我快d走,所以我用一個比較寸ge方法,我打開我銀包,入面有兩萬,佢睇到O嘴,我走左都發覺唔到。柒到呢😂

「售票員個樣做乜……」心愉問。

「唔知le。」我心裏暗爽。

我帶兩萬,但其實我唔會曬錢,今日最多用千五。我唔係敗家仔。

「入去未?」

「入la!」兩位小姐很興奮。

入到去,佢地兩個都好high咁。



「我地坐欖車去對面先?」我問。

「Ok!」

今日無人阻住,彷彿地球轉快左。

排左唔夠十分鐘就上到車。

風和日麗的天氣……很清爽……

「嘩……風景好靚ah!」婷婷感嘆……

「懷念……」心愉睇落好似好耐冇黎過。

而我?六月比班損友拖左黎OP,話要challenge我,點知玩翻天覆地ge時候……

肥仔強驚到甩蹗。

阿言驚到甩褲。

日夜嘔……

我就仲嘆過食tea。

從此以後,佢地唔敢challenge 我,成班87😂

呢段回憶,永遠係中一最好笑ge!

「我地不如討論下玩咩?」我提出。

「我地唔知wor……」佢地ge回答就係咁。

「我知la😈,跳 樓 機」

「哦,好la……」

我地去到另一邊就出發去跳樓機。

「咦,你地驚驚啊?😏」我挑釁。

「梗……梗係唔驚la……」心愉,是一個不誠實的小孩,今次中計la。

「婷婷le?」我繼續問。

「我……我點會驚wor!」

再一個中計。

其實你地係怯ge😂,想呃我?

你地害怕ge眼神已經出賣左自己la。

「入去lu!」

「哦。」佢地無奈地步入她們的地獄。

已經到左冇得返轉頭ge地步,衹可繼續向前。

佢地一步,一步咁接近跳樓機,個樣就好似被處死準備行刑咁,見到都心痛……

不過我一定要幫不誠實ge孩子們好好咁上一堂!

對唔住la……

話咁快,已經戰戰兢兢咁坐左上去。

部機慢慢升上去,到最高點ge時候,我偷窺佢地,佢地手震腳震……

「啊!!!!!」尖叫聲令我好辛苦……

而我仍然處於 tea mode

佢地由落去果下開始叫,直至完ge時候。

「好好玩ga姐。」我忍著笑。

「係啊……」

表情再次出賣了自己,我其實唔想ga,不過你地keep住講大話,唯有繼續上堂,辛苦曬!

正所謂先苦後甜,梗係虐待下佢地先la。

等我順敍講之後玩乜。

翻天覆地(佢地嚇到甩底褲😂)
瘋狂過山車(撞到個頭痛痛地)
小醜(金翅撲街鳥,佢地)
M記食野
熱帶雨林(濕曬)
雷霆節拍(暈)
攤位遊戲(幾隻公仔)

時間,真係過得好快,不知不覺已經五點半……

「今日開唔開心?係咪好刺激呢?」

「係……」此時此刻,佢兩個到極限……

我玩得太盡tim……Sorry ah……

「下次再黎過好冇?」

「好!」

「無謂講咁多,去食野先,你地想食乜?」

「不如去出羽櫻?」心愉提議。

「好。」睇落婷婷都好耐冇食鐵板燒。

於是,我地搭住架撲街巴士返金鐘,再轉MTR去紅磡。

途中,發生左d好好笑ge野……

「嘩……部電視個公仔,咁好笑ge,哈哈……」婷婷大叫……

「你第一次搭呢d車……?」

「我衹搭過馬鐵,同你一齊果次……」

心愉無言……

不過,上車後先好笑……

「嘩……上面d站識發光ge……」婷婷……你幾歲……

心愉又再次無言而對……

「婷婷……除左馬鐵同東鐵……其他基本上都有呢個發光ge野……」

「哦……」

最後……終於到目的地出羽櫻……

「老板你好,唔該三位!」我叫。

「係,呢邊請。」仁慈ge中年男就係呢到ge老板。

我地坐低左,見到餐牌有好多野食,於是求其叫左d。

三文魚,北寄貝,鮑魚,牛扒,帶子,面豉湯,沙律等。

食左大概一個鍾後,真係好飽……

埋單都唔貴……大概1000。

「返屋企la?」我問。

「好!」

我唔撚想坐巴士,所以坐的士。

半個鐘後終於返到去。

婷婷去左沖涼,然後……

「樂仔……」

「咩事啊心愉?」

「我鍾意你……」

「下……」

「如果要你揀,揀我定佢?」

突發性進展!?
已有 0 人追稿