白雪和我: 回家

回家

「好耐冇食過公仔麵，雖然耐人尋味，不過麻油始終唔夠黑麻油正。」我感嘆……

婷婷沒出聲，可能因為太正，佢食左兩包……

「肥豬。」我挑釁佢。

「咩wor，唔肥就得la！」的確，佢身材好係事實……



「唔怪得之你成日受傷入院la，成日惹事，自己拿黎衰……」

其實我幾時有惹過事，從病歷例明受傷ge原因可以証明我冇惹事，我係無辜ga……

不過算la，我黑仔本身就係命運，入廠係正常……

「Be my bad boy be my man be my weekend lover but don't be my friend 」

Cascada ge Bad boy？



「邊個電話響？」我問。

「我，唔該樂仔。」心愉揀歌都幾有taste。

「喂媽咪？」

「阿愉，我地出trip意外地順利，而家返到屋企la，你係邊啊……」

「我係同學屋企訓左幾晚，冇帶鎖匙……」



「邊個咁好收留你？」

「初……天樂……」

「果個靚仔？你溝到佢咩？」

「咪玩la，我地係朋友黎ga，更何況佢屋企有另一個女仔同佢住。」

我見佢好緊張所以行左埋去偷聽，佢發覺唔到。

「咁真係可惜la，比人搶左你男神，你點算ah？」

「唔知ah……啊！！」

「咩事啊阿愉」



「死la，樂仔偷聽曬la……」

「我聽唔到。」我真心！

「叫佢聽，我想同佢傾。」

「得我開speaker。」佢好緊張……

「你好啊阿樂，我係阿愉媽咪啊。」

「你好伯母，唔知搵我有咩事？」

「多謝你幫手照顧我個女。」



「唔使客氣，我唔放心一個女仔係街上流浪。」

「你真係好人，下次一齊飲下茶？」

「邊好意思要伯母破費啊。」

「唔緊要。」

「咁下次la。」

「阿愉，我幫左你ga la，加油！」

Cut左……

「加咩油？」



「Utitydii…………冇野，我返屋企la。」

「而家成九點lor，訓多晚la，夜la。」

「好……」

唔知係咪呢兩日太累，我九點半就訓左……

「起身la柒頭！」鬧鐘……

「我明明係沙發訓，點解會係間房……？」

我張書枱有紙條……



內容如下:

我地兩個好辛苦咁搬你入來，係有代價ge，望下個時間。

七點五十分……

撲街改我鬧鐘響ge時間，死la遲到la……

我趕頭趕命飛的，都遲左十分鐘……

「唉，好彩我係欄杆爬到入去，如果唔係實食違規，依家安全！」

我即刻飛返班房。

一開門，發現冇人，我知自己被人玩……

Today is holiday ……

我無奈咁返屋企。

我返到去開門，佢兩條友大叫 suprise ……

激死我……

「傻仔！！！」

「唔鬼理你地……」

「玩下姐，唔好嬲la……」

「冇下次」

「Yes sir！」

「我要返屋企la。」心愉說。

「我送你？」

「唔使麻煩你la……」

「好，咁我開門比你，下次見。」

「拜拜。」

屋企又衹餘下我和婷婷……

叮噹……

我開門，心想以爲心愉拿少左野……

實際上……

「老……豆？」